Azıada chempıony men júldegerine aqshalaı syıaqy beriledi

Týrızm jáne sport mınıstrligi XIX jazǵy Azııa oıyndarynda júlde alǵan sportshylar men olardyń jattyqtyrýshylaryna beriletin aqshalaı syıaqy jarııalady.

Azııa oıyndarynyń chempıony atanǵan sportshyǵa 10 000 AQSh dollary kóleminde aqshalaı syıaqy beriledi. Al, altyn medal ıegerin jarysqa daıyndaǵan jattyqtyrýshyǵa 5 000 AQSh dollary qarastyrylyp otyr.

Azıadanyń kúmis júldegeri 5 000 AQSh dollary, al jattyqtyrýshysy 3 000 AQSh dollary kóleminde syıaqy alady. Sondaı-aq, qola medal enshilegen qurama sportshysyna 3 000 AQSh dollary, al onyń jattyqtyrýshysyna 2 000 AQSh dollary kóleminde aqshalaı yntalandyrý belgilengen, — delingen vedomstvonyń habarlamasynda.

Bıylǵy Azıadan keıin Qazaqstan Boks federaııasy prezıdentiniń jeke qarajatynan syıaqylar da beriledi. Altyn medal úshin chempıondar 50 myń AQSh dollaryn, kúmis júldegerler  30 myń AQSh dollaryn, qola medal úshin  10 myń AQSh dollaryn alady.

Azııa oıyndary Qytaıdyń Hanchjoý qalasynda 23 qyrkúıekte bastalǵan bolatyn. Ol 8 qazanǵa deıin bolady. Bıyl bul jarys osymen 29-ret bolyp jatyr. Negizi Qytadaǵy Azıada byltyr bolýy kperek edi. Alaıda Oıyndardy uıymdastyrý komıteti QHR-daǵy koronovırýstyń pandemııasyna baılanysty ony bıylǵa shegerdi. Sol sebepti jarys resmı túrde Azıada-2022 dep atalady.

Bıylǵy qurlyqtyń basty jarysyna  Qazaqstan quramasynan 500-den astam sportshy sporttyń 30 túrinen synǵa túsip jatyr. Ázirshe sportshylarymyzda 1 altyn, 2 kúmis jáne 7 qola medal bar. Altyn medaldi keshe Stend atýdan skıt baǵdarlamasy boıynsha synǵa túsken áıelder quramasyndaǵy Zoıa Kravchenko, Ásem Orynbaı men Olga Panarına  jeńip aldy. Olar komandalyq jarysta chempıon atanyp qoımaı, 344 upaı jınap, Azııa oıyndarynyń rekordyn jańartty.

Taǵy bir aıtatyn nárse, Azııa oıyndarda alǵash ret Olımpıada lıenzııalary da beriledi. Buǵan deıin Azıadada Olımpıadanyń joldamasyn úlestirý degen múldem bolmaǵan. Ol tarıhta aleǵash ret bolyp otyr. Azıadada Qazaqstan sportshylary da osy múmkindikti paıdalanyp keledi. Qazir Qazaqstan quramasynda tórt jylda bir aınalyp keletin dúbirli dodaǵa joldama alǵan birneshe sportshy bar. Lıenzııany áli de alyp jatyrmyz.

Týrızm jáne sport mınıstrligi

FOTO: Olympics.com