زۋحرا يرانزاروۆا نىسانانى كوزدەۋدەن ازيادا چەمپيونى اتاندى

قىتايدىڭ حانچجوۋ قالاسىندا زۋحرا يرانزاروۆا نىسانانى كوزدەۋدەن ازيادا چەمپيونى اتاندى.

18 جاستاعى زۋحارا يرنازاروۆا 10 مەتر قاشىقتىقتان جىلجىمالى نىساناعا وق اتۋ سايىسىندا 560 ۇپاي جيناپ، سولتۇستىك كورەيادان كەلگەن ەكى مەرگەننەن وزدى. بۇل باعدارلامادا كۇمىس پەن قولا سولتۇستىك كورەيا وكىلى – دجيە ري مەن وكسيم پەكتىڭ ەنشىسىندە كەتتى.

ۇلتتىق قۇرامانىڭ تاعى ءبىر سپورتشىسى فاتيما يرانزاروۆا التىنشى، الەكساندرا سادۋاقاسوۆا جەتىنشى ورىن الدى. وسىلايشا، قازاقستان قۇراماسى 3 مەرگەنننىڭ ناتيجەسىن قوسا ەسەپتەگەندە كوماندالىق سىندا كۇمىس جۇلدەنى يەلەندى.

بۇل ازياداداعى ەلىمىزدىڭ ۇلتتىق قۇراماسى ءۇشىن ەكىنشى التىن مەدال. ەسكە سالا كەتسەك، كەشە اسەم ورىنباي، زويا كراۆچەنكو جانە ولگا پانارينادان جاساقتالعان ستەند اتۋدان قازاقستاننىڭ ايەلدەر كومانداسى «سكيت» جاتتىعۋىندا التىن مەدال جەڭىپ الىپ، ازيا ويىندارىنىڭ رەكوردىن 350 باللعا جەتكىزدى.

قازىر قازاقستان قۇراماسى ەكى التىن، ءۇش كۇمىس جانە 11 قولا جۇلدەنى يەلەنىپ وتىر.

تۋريزم جانە سپورت مينيسترلىگى

فوتو: تۋريزم جانە سپورت مينيسترلىگى

 

View this post on Instagram

 

A post shared by @turizm_sport_ministrligi