گ ۇلىم قۇرمانباەۆا — پاراازيادانىڭ قولا جۇلدەگەرى!

قىتايدىڭ حانچجوۋ قالاسىندا ءوتىپ جاتقان IV پارا ازيا ويىندارىندا پارا پاۋەرليفينگتەن 45 كەلى سالماق دارەجەسىندە ونەر كورسەتكەن  گ ۇلىم قۇرمانباەۆا قولا مەدال يەگەرى اتاندى.

وسىمەن قازاقستان قازاقستان سپورتشىلارىنىڭ قورجىنى تاعى ءبىر قولا جۇلدەمەن تولىقتى. ونىڭ الدىندا ءۇشىنشى ورىندى پارا كانوەدەن ماكسيم بوگاتىرەۆ پەن جاڭىل بالتاباەۆا جەڭىپ العان ەدى.

قازىر قازاقستان سپورتشىلارى ەكى التىن، ءۇش كۇمىس جانە ءۇش قولا مەدالدى يەلەنىپ وتىر. التىن جۇلدەنى پاۋەرليفتەر داۆيد دەگتيارەۆ پەن پارا دزيۋدودان J2 cاناتى بويىنشا 48 كەلى سالماقتا ونەر كورسەتكەن اقمارال بارلىق قارسىلاسىنان باسىم ءتۇستى.

پارا ازيا ويىندارى 22-28 قازان ارالىعىندا قىتايدىڭ حانچجوۋ قالاسىندا 22 قازاندا باستالدى. ول 28 قازانعا دەيىن بولادى. بيىلعى جارىس وسىمەن ءتورتىنشى رەت بولىپ جاتىر. پاراازياداعا ەلىمىزدەن سپورتتىڭ 14 تۇرىنەن 131 سپورتشى قاتىسۋدا.

پاراازيادادا جالپى سانى سپورتتىڭ 22 تۇرىنەن 564 جۇلدە جيىنتىعى ويناتىلاتىن بولادى. اتلەتتەر پارا دزيۋدو، پارا پاۋەرليفتينگ، پارا ءجۇزۋ، پارا جەڭىل اتلەتيكا، پارا تاەكۆوندو، پارا وق اتۋ، پارا ساداق اتۋ، وتىرىپ ويناۋ ۆولەيبولى، پارا ۇستەل تەننيسى، پارا ۆەلوسپورت، پارا اكادەميالىق ەسۋ، شاحمات، بوچچا، كانوە سىندى جارىستارعا قاتىسادى.

ەسكە سالا كەتەيىك، سپورتشىلار مەن جاتتىقتىرۋشىلاردى ءبىر جولعى قارجىلاي قولداۋ ازيا ويىندارىنىڭ جۇلدەگەرلەرىمەن بىردەي مولشەردە بولادى. وسىلايشا، ازيا پارا ويىندارىنىڭ چەمپيونى اتانعان سپورتشى 10 000 اقش دوللارى كولەمىندە اقشالاي سىياقى الادى. ال التىن مەدال يەگەرىن جارىسقا دايىنداعان جاتتىقتىرۋشى – 5 000 اقش دوللارى. پاراازيادانىڭ كۇمىس جۇلدەگەرى 5 000 اقش دوللارى، ال ونىڭ جاتتىقتىرۋشىسى 3 000 اقش دوللارىن الادى. سونداي-اق قولا مەدال جەڭىپ العان ۇلتتىق قۇرامانىڭ سپورتشىسى ءۇشىن 3000 اقش دوللارى كولەمىندە اقشالاي ىنتالاندىرۋ جانە ونىڭ جاتتىقتىرۋشىسى ءۇشىن 2 000 اقش دوللارى كولەمىندەگى سىيلىق قاراستىرىلعان.

داستان كەنجالين،

استانا

فوتو: تۋريزم جانە سپورت مينيسترلىگى