Gúlim Qurmanbaeva — Paraazıadanyń qola júldegeri!

Qytaıdyń Hanchjoý qalasynda ótip jatqan IV Para Azııa oıyndarynda para paýerlıfıngten 45 keli salmaq dárejesinde óner kórsetken  Gúlim Qurmanbaeva qola medal ıegeri atandy.

Osymen Qazaqstan Qazaqstan sportshylarynyń qorjyny taǵy bir qola júldemen tolyqty. Onyń aldynda úshinshi oryndy para kanoeden Maksım Bogatyrev pen Jańyl Baltabaeva jeńip alǵan edi.

Qazir Qazaqstan sportshylary eki altyn, úsh kúmis jáne úsh qola medaldi ıelenip otyr. Altyn júldeni paýerlıfter Davıd Degtıarev pen para dzıýdodan J2 canaty boıynsha 48 keli salmaqta óner kórsetken Aqmaral barlyq qarsylasynan basym tústi.

Para Azııa oıyndary 22-28 qazan aralyǵynda Qytaıdyń Hanchjoý qalasynda 22 qazanda bastaldy. Ol 28 qazanǵa deıin bolady. Bıylǵy jarys osymen tórtinshi ret bolyp jatyr. Paraazıadaǵa elimizden sporttyń 14 túrinen 131 sportshy qatysýda.

Paraazıadada jalpy sany sporttyń 22 túrinen 564 júlde jıyntyǵy oınatylatyn bolady. Atletter para dzıýdo, para paýerlıftıng, para júzý, para jeńil atletıka, para taekvondo, para oq atý, para sadaq atý, otyryp oınaý voleıboly, para ústel tennısi, para velosport, para akademııalyq esý, shahmat, bochcha, kanoe syndy jarystarǵa qatysady.

Eske sala keteıik, sportshylar men jattyqtyrýshylardy bir jolǵy qarjylaı qoldaý Azııa oıyndarynyń júldegerlerimen birdeı mólsherde bolady. Osylaısha, Azııa Para oıyndarynyń chempıony atanǵan sportshy 10 000 AQSh dollary kóleminde aqshalaı syıaqy alady. Al altyn medal ıegerin jarysqa daıyndaǵan jattyqtyrýshy – 5 000 AQSh dollary. Paraazıadanyń kúmis júldegeri 5 000 AQSh dollary, al onyń jattyqtyrýshysy 3 000 AQSh dollaryn alady. Sondaı-aq qola medal jeńip alǵan ulttyq quramanyń sportshysy úshin 3000 AQSh dollary kóleminde aqshalaı yntalandyrý jáne onyń jattyqtyrýshysy úshin 2 000 AQSh dollary kólemindegi syılyq qarastyrylǵan.

Dastan KENJALIN,

ASTANA

FOTO: Týrızm jáne sport mınıstrligi