Astanada Qazaqstan fýtbolynyń mýzeıi ashyldy

Astanada Qazaqstan fýtbolynyń 110 jyldyǵyna oraı otandyq fýtboldy nasıhattaý maqsatynda Qazaqstan fýtbolynyń mýzeıi ashyldy, dep habarlady Qazaqstan fýtbol federaııasy.

Is-sharaǵa «Astana» fýtbol ortalyǵynyń tárbıelenýshileri, qazaq fýtbolynyń ardagerleri, otandyq fýtbol klýbtarynyń jetekshileri, Qazaqstan ulttyq quramasynyń bas jattyqtyrýshysy Magomed Adıev pen ulttyq qurama komandanyń oıynshylary Baýyrjan Islamhan men Ian Vorogovskıı qatysty.

Mýzeıdi qurýǵa atsalysqan ujym 1913 jyly Semeıde bastaý alǵan Qazaqstan fýtbolynyń tarıhyn jańǵyrtý úshin elimizdiń túkpir-túkpirinen jádigerler, derekter men aqparat jınaý jumystaryn júrgizdi.

Osy oqıǵaǵa oraı Qazaqstan fýtbol federaııasyna FIFA jáne ÝEFA-dan quttyqtaý hattary kelip tústi.

FIFA prezıdenti Djannı Infantınonyń quttyqtaý hatynda: «Birneshe aı buryn men sizderdiń ádemi elderińizge baryp, Qazaqstanda fýtbolǵa degen keremet qushtarlyq pen súıispenshilikti óz kózimmen kórý múmkindigine ıe boldym. Mýzeı eldegi fýtboldyń 110 jyldyq tarıhyna, isterge, tulǵalarǵa, sondaı-aq sportymyzdy damytyp jatqan barlyq adamdarǵa qurmet kórsetýge óz úlesin qosatyny sózsiz», — delingen.

ÝEFA prezıdenti Aleksander Cheferın Qazaqstan fýtbol federaııasynyń ÝEFA-ǵa múshe qaýymdastyqtar arasynda bedelge ıe bolǵanyn atap ótti.

Qazaqstan fýtbol federaııasyn mýzeıdiń resmı ashylýymen quttyqtaǵym keledi. Osyndaı mańyzdy oqıǵalar ulttyq qaýymdastyqtyń durys baǵytta damyp, ÝEFA-ǵa múshe qaýymdastyqtar arasynda bedelge ıe bolǵanynyń dáleli boldy. Sizderdiń ÝEFA klýbtyq jarystaryna qatysýlaryńyz jáne ulttyq quramanyń jetistikteri qaýymdastyqtyń barlyq deńgeıdegi progressin kórsetedi, al aldaǵy ýaqytta eýropalyq fýtbolda odan ári tolyq básekege túsýge múmkindikterińiz bar. QFF-ǵa tabys tileımin, óıtkeni sizder bul dárejege jetý úshin uzaq joldan óttińizder jáne qazirgi tabystaryńyz – fýtbolmen ómir súretin jáne fýtboldy jaqsy kóretinderge arnalǵan, — dedi ol.

Qazaqstan fýtboly mýzeıiniń ashylýyna oraı Ádilet Barmenqulov Halyqaralyq sport baspasózi qaýymdastyǵynyń (AIPS) alǵys hatymen marapattaldy.

Sondaı-aq saltanatty is-sharada Qazaqstan fýtbol mýzeıiniń eksponattaryn jasaý men tolyqtyrýǵa zor úles qosqandarǵa QFF prezıdentiniń alǵys haty tabys etildi. Bul hat ataqty fýtbolshy, jattyqtyrýshy Tımýr Sanjaruly Segizbaevtyń qyzy Aıgúl Segizbaevaqa, sport jýrnalısi, sport taqyrbynda 6 kitaptyń avtory Álim Anapıanovqa, sport tarıhshysy, sholýshy, jýrnalıst Stanıslav Sársekovke, eńbek sińirgen mádenıet qaıratkeri, PhD doktory Nazgúl Kadrımbetovaǵa, Qazaqstan Respýblıkasy Ulttyq mýzeıiniń, «Astana Arena» stadıonynyń jáne elimizdiń basqa da mańyzdy mádenıet jáne sport nysandarynyń dızaınyn jasaýǵa qatysqan mýzeı dızaıneri  Ásilhan Nuftollauly Mashtaev tapsyryldy.

Aıgúl Tımýrqyzy ákesiniń jeke zattaryn mýzeı qoryna syıǵa tartty. Álim Ilııasuly mýzeı qoryna kóptegen ádebıet pen basqa da jádigerlerdi syılasa, Stanıslav Serikuly mýzeı qoryna óziniń jeke kollekııasynan 150-den astam jádigerdi tartý etti.

Qazaqstan fýtbol federaııasynyń prezıdenti Ádilet Barmenqulovtyń bastamasymen ashylǵan mýzeıde Qazaqstan fýtbolynyń tarıhy, onyń ishinde aty ańyzǵa aınalǵan oıynshylardyń jetistikteri men elimizdegi fýtboldyń damýyndaǵy mańyzdy sátteri kórsetiledi.

Aıta keteıik, mýzeı qoryna kez kelgen adam fýtbolymyzdyń tarıhyna qatysty jádigerlerdi syıǵa tarta alady.

Mýzeı jumys kúnderi saǵat 10. 00-den 17.00-ge deıin jumys isteıdi.

FOTO: Mıhaıl Shapovalov