بوكستان سپارتاكيادا: العاشقى جارتىلاي فيناليستەر انىقتالدى (ۆيدەو)

بوكستان استانا قالاسىندا ءوتىپ جاتقان VI جازعى سپارتاكيادانىڭ ءتورتىنشى جارىس كۇنىندە 48، 54، 60، 67، 75، 86،+92 كەلى سالماقتا جارتىلاي فينالعا شىققان بىلعارى قولعاپ شەبەرلەر انىقتالدى، دەپ حابارلادى تۋريزم جانە سپورت مينيسترلىگىگىڭ سپورت جانە دەنە شىنىقتىرۋ ىستەرى كوميتەتى.

48 كگ سالماقتا 35 جاستاعى تەمىرتاس ءجۇسىپوۆ ءبىرىنشى جەكپە-جەكتە تۇركىستان وبلىسىنىڭ جاس سپورتشىسى راۆشان تۋراكۋلوۆتى جەڭدى.

سول سەكىلدى ءوز سالماقتارىندا باستى فاۆوريت سانالاتىن نۇرسۇلتان التىنبەك (54 كگ) تالعات سىرىمبەتوۆ (60 كگ)، الەم چەمپيوناتىنىڭ كۇمىس جۇلدەگەرى دۋلات بەكباۋوۆ (67 كگ)، نۇرقانات رايىس (75 كگ) تا قارسىلاستارىنان باسىم ءتۇستى.

75 كگ سالماقتا ارمات ارمان ۇلى مەن باقبەرگەن الياسقاروۆ قولدا تۇرعان جەڭىستەرىن ۋىستارىنان شىعارىپ الدى.

اسا اۋىر سالماقتا الەم چەمپيونى الەكساندر ۋسيكپەن بىرگە دايىندالاتىن نۇرسۇلتان امانجولوۆ قايتا اۋەسقوي بوكسقا ورالدى. بۇل جەكپە-جەكتە ولجاس بۋكاەۆ قارسىلاسىنان 4:1 ەسەبىمەن باسىم ءتۇستى.

ەرتەڭ وليمپيادا باعدارلاماسىنا كىرەتىن 51، 57، 63،5، 71، 80، 92 كگ سالماقتا بىرنەشە الەم چەمپيوندارى شارشى الاڭعا شىعادى.

 

View this post on Instagram

 

A post shared by Kazakhstan Boxing Federation (@boxingkazakhstan)