Tashkentte Olımpıada qalashyǵy salynyp jatyr

О́zbekstannyń Tashkent qalasynda Olımpıada qalashyǵy salynyp jatyr.

О́zbekstan Respýblıkasy prezıdentiniń resmı saıtynyń habarlaýynsha, bul elde 2025 jyly jastar arasynda Azııa jáne Para Azııa oıyndary bolady. Sondyqtan Olımpıada qalashyǵynda bul jarystar baǵdarlamasyna engen barlyq sport túrlerimen aınalysýǵa jaǵdaı jasalady. Onyń aýdany – 100 gektar. Onda 10 myń oryndyq stadıon, 2 myń jankúıerge arnalǵan velodrom, sý sport saraıy, jeke jáne komandalyq sport keshenderi boı kóteredi. Sondaı-aq, 4 qabatty ákimshilik ǵımarat, 15 ashyq sport alańy, júgirý joldary, saıabaqtar salynady. Jalpy, qalashyq aýmaǵynyń 54 paıyzy jasyl jelekke aınalady. Ol úshin 37 gektar jerde jasandy kólder bolady.

Joba 70 elde sport nysandaryn salǵan qytaılyq CAMC Engineering kompanııasymen birigip salynyp jatyr.  Byltyr 9 qarashada О́zbekstan prezıdenti Shavkat Mırzıeev osy qalashyq qurylysynyń irge tasyn qalaǵan bolatyn. Búginde negizgi ǵımarattardyń irgetasyn qalaý jumystary aıaqtaldy. Bes keshenniń qurylysy qalpyna keltirilip, kóterildi. Qurylysqa myńǵa jýyq jumysshylar men ınjenerler, arnaıy tehnıka jumyldyrylǵan.

Keshe О́zbekstan prezıdenti Olımpıada qalashyǵynyń qurylysymen tanysty.

О́zbek eliniń basshysy qalashyqty paıdalanýǵa sheteldik tájirıbeni engizý, qaýipsizdik sharalaryn qabyldaý jáne kórkeıtýdi arttyrý jóninde tapsyrmalar berdi.

Azııa oıyndarynan keıin keshender qańyrap bosap qalmaı, halqymyzǵa qyzmet etýi kerek. Munda jattyǵýmen qatar sporttyq bilim, ǵylym, medıına da bolýy kerek. Iaǵnı, bul jer elimizdiń sportynyń ǵylymı-tájirıbelik, oqý-jattyǵý ortalyǵy bolady, – dedi Shavkat Mırzıeev.

Keıin bul jerde Jastar saıasaty jáne sport mınıstrligi, sport federaııalary, О́zbekstannyń Memlekettik sport akademııasy men basqa da mekemeler óz qyzmetin jolǵa qoıady. Alańdarda el turǵyndary da sportpen shuǵyldanatyn bolady.

Balalar sport mektepteri bolashaqta osy qalashyqpen baılanysty bolýy kerek. Bul – buqaralyq sporttan kásibı sportqa kópir, – dedi Mırzıeev odan ári.

Qalashyqta Paralımpıada oıyndary da ótetin bolǵandyqtan múmkindigi shekteýli jandar úshin qolaıly joldar men bólek sektorlar uıymdastyrylady.

Mırzıeevtiń usynysy boıynsha keshende jańartylatyn energııa kózderi de qoldanylady. Jyldyq qýaty 10 megavatt kún batareıalary 56 myń sharshy metrge ornatylady.

Tashkent qalasy boıynsha ótken jyly usynylǵan ınvestıııalyq baǵdarlamaǵa sáıkes bıyl iske qosylǵan jobalar týraly aqparat berildi. Bıylǵy jyldyń ótken kezeńinde óndiris pen qyzmet kórsetý salalarynda 360 joba júzege asyrylyp, jalpy 20 myń jumys orny ashyldy. Sondaı-aq «Iang haıot» aýdanynda 650 gektar aýmaqta jańa býyndy ındýstrııalyq aımaq qurý josparlanýda.

Osy kúni О́zbekstan prezıdenti Tashkenttiń kólik jáne qyzmet kórsetý salasymen, tazalyǵymen jáne qysqa daıyndyǵymen de tanysty. Ol Tashkent qalasynyń Myrza Ulyqbek aýdanyndaǵy Habıb Abdýllaev mahallasynda boldy.

Bul mahallada 4400-den astam adam turady. Munda elýge jýyq saýda dúkeni men tehnıkalyq qyzmet kórsetý ortalyqtary, bilim berý uıymdary jumys isteıdi. 38 kópqabatty turǵyn úı men tórt áleýmettik nysanǵa «Mádenı aýmaq» basqarýshy qyzmet kórsetý kásiporny qyzmet kórsetedi.

Turǵyndardyń bos ýaqytyn tıimdi ótkizýine barlyq jaǵdaı jasalǵan. Bıylǵy jyly atalar shaıhanasy, amfıteatr, Wi-Fi aımaǵy salynyp, ishki joldar men balalar oıyn alańdary jóndeldi.

Sheneýnikterdiń nazary men halyqtyń aýyzbirshiliginiń arqasynda óńirdiń kelbeti túbegeıli ózgerdi. «Jasyl keńistik» jobasy aıasynda bıylǵy kúzde 2 myńnan astam sándik jáne jemis aǵashtary otyrǵyzyldy. Eki qudyq qazylyp, jasyl alqaptarǵa sýarý júıesi jasaldy.

Mırzıeev osynda aýdan belsendileri, zııaly qaýymmen áńgimelesti. Olar mahallanyń kórkeıip, energııa jelileri jóndelip, qysqa daıyndyq jumystary júrgizilgenin aıtty.

О́zbekstan basshysy elektr qýatyn únemdeý, úılerdegi jylýdy ustap turý, oǵan árbir adamnyń boıynda qamqorlyqty týǵyzý kerektigin tapsyrdy.

Álemdegi klımattyq ózgerister bizden alys dep aıtýǵa bolmaıdy. О́tken jylǵy aıaz sony kórsetti. Endi klımattyń ózgerýin eskere otyryp, dúnıetanymymyzdy ózgertýimiz kerek. Árbir azamat «bul meniń úıim, meniń kórshim, meniń mahallam, meniń Otanym» dep ómir súrse, nátıje biz oılaǵandaı bolady, – dedi Shavkat Mırzıeev.

Bul yqsham aýdanda qys túskenshe on transformator jóndeldi. Elektr symdary aýystyryldy. Kópqabatty úılerdiń kireberis dálizderi kúrdeli jóndeýden ótti, jańa esikter ornatyldy. Turǵyn úılerdiń jertólesindegi jylý qubyrlary jańartyldy.

Prezıdent Mızıeevke Chılanzar aýdanyna sapary barysynda berilgen tapsyrmalarǵa sáıkes qysqa daıyndyq barysy týraly aqparat berildi.