SportPress.kz Qazaqstan sport jańalyqtary
Astana qalasynyń «Jeńis» fýtbol klýbyna Grýzııa ulttyq qurama komandasynyń burynǵy oıynshysy Levan Korgalıdze bas jattyqtyrýshy bolyp taǵaıyndaldy.
Levan Korgalıdze 1980 jyly týǵan. Ol – Keńes Odaǵy jáne Grýzııanyń chempıonatynda Tbılısıdiń «Dınamo», Lanchhýtıdiń «Gýrııa» men basqa da kóptegen klýbtarynda oınaǵan áıgili fýtbolshy Otar Korgalıdzeniń uly. Levannyń ózi Tbılısıdiń «Dınamo», Lanchhýtıdiń «Gýrııa», Kýtaısıdiń «Torpedo» jáne basqa da Grýzııa men shetel komandalarynda shabýyl shebinde oınaǵan. Jattyqtyrýshy bolyp eki komandada jumys istegen. Onyń biri – Tbılısıdiń «Sabýrtalo» klýby bolsa, ekinshisi osy qalanyń «Lokomotıv» komandasy.
Grýzııa mamany jattyqtyrýshylyq mansabyn 2017 jyly «Sabýrtalo» klýbynyń jastar quramasynyń jattyqtyrýshysy retinde bastady. 2019 jyly ol týrnır kestesiniń sońynda turǵan Tbılısıdiń «Lokomotıv» klýbyna aýysyp, bul komandany Grýzııa kýbogynyń fınalyna shyǵarǵan. Onyń jetekshiligimen komanda chempıonatty tórtinshi orynmen aıaqtap, Eýropa týrnırlerine qatysýǵa joldama aldy.
Kelesi maýsymda ol komandany Eýropa lıgasynda debıýt jasap, úshinshi irikteý týrnırine shyǵardy, – dep habarlady «Jeńis» fýtbol klýby.
Klýbtyń jańa bas jattyqtyrýshysymen kezdesý 5 jeltoqsanǵa josparlanǵan. Sol kezde komanda Túrkııaǵa alǵashqy oqý-jattyǵý jıynyn ótkizýge barady.
Endi Astanada Qazaqstan premer-lıgasynda oınaıtyn eki klýb bolady. Onyń biri – bıylǵy maýsymda birinshi lıgadan kelgen «Jeńis» bolsa, ekinshisi – 2010 jyly qurylǵan «Astana» klýby.
«Jeńis» «Astana» degen atpen sońǵy ret joǵarǵy lıgada 2008 jyly oınady. Bul klýbtyń aty birneshe ret ózgerdi. 2006 jyly «Astana» bolyp ózgerip, 2009 jyly «Lokomotıv» bolyp quryldy.
2010 jyly «Lokomotıv» jyldyń sońynda atyn «Astana» bolyp ózgertti. Al burynǵy «Jeńis» 2009 jyly birinshi lıgada «Namys» degen atpen oınap, 2010 jyly onyń aty «Astana» bolyp ózgerdi. Sóıtip, birinshi lıgadaǵy «Astana», ıaǵnı «Jeńis» klýbynyń jalǵasy bolyp esepteletin klýb bir qalada eki «Astana» komandasy dep narazylyq bildirdi. Odan keıin birinshi lıgadaǵy «Astana» atyn «Astana-1964» klýby dep ózgertti. Al «Lokomotıvtiń» ornyna qurylǵan «Astana» joǵarǵy lıgada oınady.
Birinshi lıgadaǵy «Astana-1964» komandasy 1964 jyly elınogradta qurylǵan. Sol kezde «Dınamo» klýby quryldy. Ol komanda 1975 jyldan bastap «elınnık» bolyp ataldy. 1994-1995 jyldary «esna» boldy. 1996 jyly qaıtadan «elınnık» bolyp atyn ózgertti. 1997 jyly jyldyń ortasynda «Astana» bolyp quryldy. 1999 jyly «Jeńis» komandasy bolyp jasyl alańǵa shyqty.
Komanda kezinde KSRO-nyń ekinshi lıgasynda oınaǵan. Qazaq KSR kýbogyn 1968 jáne 1986 jyldary jeńip alǵan. 1973 pen 1985 jyldary Qazaq KSR kýbogynyń fınalısi bolǵan.
Bul klýbta 1955 – 1960 jyldary Qazaq KSR-i Joǵarǵy Keńesi tóralqasynyń tóraǵasy, 1960 – 1961 jyldary Qazaq KSR-i Mınıstrler Keńesiniń tóraǵasy bolǵan memleket jáne qoǵam qaıratkeri Jumabek Táshenevtiń nemere inisi, Aqmola oblysynyń Astrahan aýdanynyń týmasy Sálim Táshenev oınaǵan. Ol 1980 – 1996 jyldary «elınnık» komandasynda dop tepken. Kózkórgenderdiń aıtýynsha, ol klýbtyń ańyzy edi.
Sálim Táshenev 1956 jyly týǵan. 2007 jyly qaıtys boldy.
2014 jyly «Astana – 1964» dep atalǵan klýb taratyldy. Klýb 2021 jyly qaıta jandandy.
2003 jyly «Jeńiste» Qazaqstan ulttyq qurama komandasynyń bas jattyqtyrýshysy Magomed Adıev oınaǵan.
«Jeńis» úsh ret 2000, 2001 jáne 2006 jyly Qazaqstan chempıony bolǵan. Al «Astana» jeti ret el chempıony atanǵan. Bul komanda chempıonatty 2014 pen 2019 jyldary jáne 2022 jyly jeńip aldy.
Dastan KENJALIN,
ASTANA
