انامدى تاپپايىنشا، يسپانياعا بارمايمىن – اناسىن ىزدەگەن قازاق بالاسى

شەتەلدەن ەلىمىزگە كەلىپ، اناسىن ىزدەپ جاتقان مۇرات ەسىمدى (قازىرگى قۇجاتىندا ەددجان، – رەد.) جاس جىگىت الەۋمەتتىك جەلىدە كوپشىلىككە جاقسى حابار ايتتى.

بۇل جىگىتتىڭ اتى قازاقشادا اۋەلى جانىبەك بولىپ تانىستىرىلعان ەدى. ودان كەيىن قۇجات بويىنشا ونىڭ اتى-ءجونى جانىبەك مۇرات ۇلى جۇماعۇلوۆ دەپ اتالاتىنى بەلگىلى بولدى. بىراق بالا وسى كۇنگە دەيىن ءوزىن «مۇرات» دەپ تانىستىرىپ ءجۇر. ەفيردە دە، ستسەناريدە دە مۇرات دەپ جازىڭىزشى دەگەن – بالانىڭ ۇلكەن ءوتىنىشى. مىنە، وسى ءبىر ايدان بەرى اناسىن ىزدەپ جۇرگەن مۇرات ءبىر ساعات بۇرىن قازاقستاندا اناسىن تاپپايىنشا، يسپانياعا بارمايتىنىن جەتكىزدى.

مەن اناما قازىرگىدەي جاقىن بولعان ەمەسپىن. سوندىقتان انامدى تاپقانشا يسپانياعا ۇيگە ورالماۋدى ءجون كوردىم.

قۇرمەتتى قازاق ەلى، ماعان سىزدەردىڭ قولداۋلارىڭىز بەن كومەكتەرىڭىز قاجەت. مەن انامدى ىزدەۋدى دوعارعان جوقپىن. ءالى دە ىزدەۋ ۇستىندەمىن. وسى پوستتى Instagram ستوريستە ءبولىسىڭىز. ماعان انا كەرەك. قازاقستاننان تۋعان انامدى تاۋىپ، ونى قۇشاعىما الىپ، تۋىستارىمدى تاباتىنىما سەنىمدىمىن، — دەدى ول.

مۇرات Facebook-تە Jani Saveliev (Murat) دەگەن اتپەن تىركەلگەن. بۇل جاس جىگىت تۋرالى ۆيدەونى العاش رەت Facebook-تە جۋرناليست ولجاس بەركىمباەۆ  جاريالادى. ول 2002 جىلى 17 قاڭتاردا ارقالىقتا تۋعانىن، 2004 جىلى سول قالاداعى بالالار ۇيىنەن قازىرگى بەلگيالىق وتباسى، ياعني جالعىزباستى اناسى اسىراپ الۋعا الىپ كەتكەنىن ايتتى.

بەلگىلى تەلەجۇرگىزۋشى قىمبات دوسجان ەدديجانعا «قازاق راديوسىنداعى» «بارمىسىڭ، باۋىرىم؟» باعدارلاماسى ارقىلى كومەكتەسىپ، ونىڭ اناسى تۋرالى تىڭ دەرەكتەر تابىلعانىن حابارلادى. بۇل كەزدە مۇرات اناسى تۋرالى قانداي دا ءبىر مالىمەت الۋ ءۇشىن تۋعان قالاسى – ارقالىقتا ءجۇر ەدى.

مۇراتقا قاتىستى تاعى دا بولەك ارحيۆتىك قۇجات تابىلدى. 13 پاراقتان تۇراتىن قۇجاتتى الدىق. ارقالىقتا جۇرگەن مۇرات سول قۇجاتتاردىڭ كوشىرمەسىن الدى. ونىڭ اناسى ارقالىق پەرزەنتحاناسىنا 2002 جىلى 17 قاڭتاردا تۇسكەن. 21 قاڭتاردا كەشكى ساعات 22:00-گە دەيىن ۇيگە بارىپ كەلەيىنشى دەپ پەرزەنتحانا دارىگەرىنە قولحات قالدىرادى. بالادان باس تارتپاعان. قايتىپ كەلەمىن دەگەن. وسى رەتتە كوپ كومەك كورسەتكەن ارقالىق پەرزەنتحاناسىنىڭ باسشىلىعىنا العىس بىلىدەرمىز، — دەدى قىمبات دوسجان.

بۇعان دەيىنگى ارحيۆتىك قۇجاتتاردا كەلىنشەك اققۇمنان دەپ شىقسا، ودان كەيىن اقكول اۋىلىندا تۇرعان دەگەن دەرەك پايدا بولدى.

داستان كەنجالين،

استانا