شاۆكات راحمونوۆ جەڭە المايتىن جالعىز فايتەردى ايتتى

ارالاس جەكپە-جەك شەبەرى شاۆكات راحمونوۆ UFC 296 تۋرنيرىندەگى جەڭىسىنەن كەيىن بىرنەشە مالىمدەمە جاساپ ۇلگەردى.

جەكپە-جەكتەن كەيىنگى ءباسپاسوز ءماسليحاتى مەن ودان كەيىن دە بولعان سۇحباتتاردا ول باق وكىلدەرى قىزىعا، جارىسا جازاتىن ويلارىن ايتىپ، مالىمدەمە جاسادى.

ودان سۇحباتتىڭ بارىندە امەريكالىق جۋرناليستەر: «ەندى كىمدى جەڭۋگە بولادى؟ كىممەن جەكپە-جەك قيىن؟» دەپ سۇراعان. ول سۇراقتارعا شاۆكات راحمونوۆ ەش ويلانباستان نگاننۋمەن جەكپە-جەكتىڭ وڭاي بولمايتىنىن ايتىپ، ونى جەڭە المايتىنىن مويىندادى.

ۋسماندى جەڭەمىن. ەدۆاردسقا دا تىزە بۇكتىرەمىن. چيماەۆتى جەڭۋگە بولادى. ماحاچەۆتى دە سولاي. ونى جەڭە الامىن. نگاننۋدى جەڭۋ قيىن. ءفيۋريدى دە جەڭە الامىن. ەگەر ول MMA ەرەجەسىمەن وكتاگونعا شىقسا، ارينە، جەڭىستى ج ۇلىپ اكەتەمىن. مايك تايسون ماعان سونشالىقتى مىقتى قارسىلاس ەمەس. ونى دا قۇلاتامىن، – دەدى راحمونوۆ شاعىن سۇحباتىندا.

40 جاستاعى امەريكالىق سپورتشى ستيۆەن تومپسون بۇگىنگە دەيىن ءوزىنىڭ سپورتتىق مانسابىندا 24 رەت وكتاگونعا شىعىپ، 17 رەت  جەڭىسكە جەتكەن. ال شاۆقات راحمونوۆتىڭ ءجۇرىپ وتكەن جولى جانكۇيەرلەردىڭ كوز الدىندا. 29 جاستاعى وتانداسىمىز 2014 جىلدان بەرى ارالاس جەكپە-جەكپەن اينالىسىپ كەلەدى. وسى ۋاقىت ارالىعىندا 17 رەت ايقاس الاڭىنا شىعىپ، بارلىق جەكپە-جەكتى ايقىن باسىمدىقپەن جەڭدى. 8 قارسىلاسىنا مەرزىمىنەن بۇرىن تىزە بۇكتىردى. بۇل – راحمونوۆتىڭ 18-جەڭىسى.

فرەنسيس نگاننۋ – UFC-ءدىڭ قازىرگى اۋىر سالماقتاعى چەمپيونى. جاقىندا ول دا مالىمدەمە جاساپ، كەلەسى جىلدىڭ 22 قاڭتارىنان باستاپ UFC-ءدىڭ كەلىسىمشارتىمەن جەكپە-جەككە شىقپايتىنىن، ويتكەنى جەكپە-جەككە از اقشا تولەنەتىنىن جاسىرمادى.

قازىر شاۆكات راحمونوۆ UFC رەيتينگىندە ءۇشىنشى ورىندا تۇر. ءۇشتىڭ ءوزى – كۇش!

داستان كەنجالين،

استانا