SportPress.kz قازاقستان سپورت جاڭالىقتارى
بۇگىن، 21 جەلتوقساندا استانا قالاسىنداعى ق.قۋانىشباەۆ اتىنداعى مەملەكەتتىك اكادەميالىق مۋزىكالىق دراما تەاتردا ۇلتتىق سپورت تۇرلەرى بويىنشا جىل سايىن ءداستۇرلى تابىس ەتىلەتىن «التىن تۇعىر-2023» سىيلىعىمەن ماراپاتتاۋ ءراسىمى بولىپ ءوتتى، دەپ حابارلادى اسىق اتۋ فەدەراتسياسى.
ۇلتتىق سپورت تۇرلەرى قاۋىمداستىعىنىڭ ۇيىمداستىرۋىمەن وسىمەن ونىنشى رەت وتكىزىلگەن ءىس-شارادا ۇلتتىق سپورتتى ۇلىقتاپ جۇرگەن ۇزدىكتەرگە ارنايى مۇسىنشە مەن اقشالاي سىياقى تابىس ەتىلدى.
بيىلعى ماراپاتتاۋ ءراسىمى وزگەشە فورماتتا ۇيىمداستىرىلعان ەكەن. الدىمەن تەاتر فويەسىندە اسىق اتۋ، توعىزقۇمالاق جانە ساداق اتۋدان بايقاۋلار ءوتىپ، جيىنعا جينالعاندار ەستەلىك سۋرەتكە ءتۇستى. وسىدان كەيىن ۇلتتىق سپورت تۇرلەرى قاۋىمداستىعىنا كىرەتىن 10 فەدەراتسيانىڭ ۇزدىكتەرى جەرگە توسەلگەن كوك كىلەممەن ءجۇرىپ ءوتتى.
ماراپاتتاۋ ءراسىمىن ۇلتتىق سپورت تۇرلەرى قاۋىمداستىعىنىڭ پرەزيدەنتى يسلامبەك سالجانوۆ ءوزىنىڭ قۇتتىقتاۋ سوزىمەن اشىپ، قاۋىمداستىقتىڭ بيىلعى جىلى اتقارعان جۇمىسى مەن كەلەسى جىلعا جوسپارلارى تۋرالى ايتتى.
پارلامەنت ءماجىلىسىنىڭ توراعاسى ەرلان قوشانوۆ ماراپاتتاۋ ءراسىمىن باستاپ، مەملەكەت باسشىسى قاسىم-جومارت توقاەۆتىڭ قۇتتىقتاۋىن جەتكىزدى. سودان كەيىن كوكپار فەدەراتسياسىنىڭ پرەزيدەنتى باۋىرجان يساباەۆ، جامبى فەدەراتسياسىنىڭ پرەزيدەنتى ەركەبۇلان يلياسوۆپەن بىرگە كوكپار مەن جامبى اتۋ سپورتىنىڭ ۇزدىكتەرىن ماراپاتتادى.
تۋريزم جانە ءسپورتمينيسترى ەرمەك مارجىقپاەۆ پەن Amanat پارتياسىنىڭ جاۋاپتى حاتشىسى داۋلەت كارىبەك پەن بايگە فەدەراتسياسىنىڭ پرەزيدەنتى قانات كوپباەۆتارمەن بىرگە ەلىمىزدىڭ ەڭ ۇزدىك قۇسبەگىسى مەن بايگە سپورتىنىڭ ۇزدىكتەرىنە ماراپاتتارىن تابىس ەتتى.
استانا قالاسىنىڭ اكىمى جەڭىس قاسىمبەك، دۇنيەجۇزىلىك توعىزقۇمالاق فەدەراتسياسىنىڭ پرەزيدەنتى ءاليحان بايمەنوۆ، اۋدارىسپاق فەدەراتسياسىنىڭ پرەزيدەنتى مارات جۇمانمەن بىرگە توعىزقۇمالاق جانە اۋدارىسپاق سپورتىنىڭ ۇزدىكتەرىن ۇلىقتادى.
پارلامەنت ءماجىلىسىنىڭ دەپۋتاتى نۇرتورە ءجۇسىپ،تەڭگە ءىلۋ فەدەراتسياسىنىڭ پرەزيدەنتى امانگەلدى ابدىقادىر مەن ساداق اتۋ فەدەراتسياسىنىڭ پرەزيدەنتى ايدوس مۇقاتاەۆتىڭ قولىنان تەڭگە ءىلۋ مەن ساداق اتۋدىڭ ۇزدىكتەرى ماراپاتتارعا يە بولدى.
پارلامەنت ءماجىلىسىنىڭ دەپۋتاتتارى اسحات ايماعامبەتوۆ پەن ەدىل جاڭبىرشين جانە اسىق اتۋ فەدەراتسياسىنىڭ اتقارۋشى ديرەكتورى جومارت سابىرجان ۇلى مەن جورىق فەدەراتسياسىنىڭ پرەزيدەنتى باقىتجان تۇرلىبەك ۇزدىك جورعاشى مەن اسىق اتۋ سپورتى بويىنشا ۇزدىك دەپ تانىلعان پاۆلودار وبلىسى قۇراماسىنا سىيلىقتارىن تابىس ەتتى.
پاۆلودار وبلىسىنىڭ اسىقشىلارى بيىلعى جىلى استانادا وتكەن ۇلتتىق سپورت تۇرلەرى فەستيۆالىندە ۇزدىك شىعىپ، اقتوبەدە وتكەن ەرەسەكتەر اراسىنداعى قازاقستان كۋبوگىن دا قانجىعالارىنا بايلاعان بولاتىن. ودان بولەك رۋمىنيادا وتكەن الەم كۋبوگى مەن كوكشەتاۋدا وتكەن ەرەسەكتەر اراسىنداعى قازاقستان چەمپيوناتىندا كۇمىسپەن كۇپتەلدى. پاۆلودارلىق اسىقشىلارعا بەرىلگەن ماراپات ناعىز يەسىن تاپقان ماراپات بولدى. بۇدان بولەك ۇلتتىق سپورت تۇرلەرى قاۋىمداستىعىنىڭ قۇرامىنا كىرەتىن سپورت تۇرلەرىنىڭ اعا جاتتىقتىرۋشىلارى دا ارنايى ماراپاتقا يە بولسا، ولاردىڭ اراسىندا اسىق اتۋدان پاۆلودار وبلىسىنىڭ اعا جاتتىقتىرۋشىسى حاليبەك حۋان دا بولدى. «اقپاراتتىق ارىپتەستىك» نوميناتسياسىن Qazaqstan تەلەراديوكومپانياسى يەلەندى.
مەرەكەلىك ءىس-شارا «ناز» مەملەكەتتىك بي تەاترى بيشىلەرىنىڭ ونەرىمەن باستالىپ، «الاش ۇلى»، «كەشيۋ» توپتارىنىڭ جانە انشىلەر ازىمبەك بايدين، مارجان اراپباەۆا، ۇشقىن جامالبەك جانە يبراگيم ەسكەندىردىڭ اسەم انىمەن جالعاسىن تاۋىپ وتىردى.
ءسان-سالتاناتىمەن وتكەن ادەمى كەشتى ۇلتتىق سپورت تۇرلەرى قاۋىمداستىعىنىڭ پرەزيدەنتى يسلامبەك سالجانوۆ قورىتىندىلاپ، جۇزدەن جۇيرىك شىققان ۇزدىكتەردى ماراپاتتارىمەن قۇتتىقتادى. كەلەسى جىلى ەلىمىزدە وتەتىن كوشپەندىلەر ويىندارىندا باق سىنايتىن سپورتشىلارعا ساتتىلىك تىلەدى.
2023 جىلى ون نوميناتسيا بويىنشا «التىن تۇعىر» سىيلىعىنىڭ يەگەرلەرى اتاندى:
«توعىزقۇمالاق» نوميناتسياسى بويىنشا — جانات كايمۋلدين;
«بايگە» نوميناتسياسى بويىنشا — بەكزات ءدىلداحان مەن ەدىل تايمەردەنوۆ;
«قۇسبەگى» نوميناتسياسى بويىنشا — كۋنتۋعان ارمانبەك;
«كوكپار» نوميناتسياسى بويىنشا — «اۋليە اتا» كومانداسى;
«اۋدارىسپاق» نوميناتسياسى بويىنشا — سايلاۋ مۇحامەتجانوۆ;
«جامبى اتۋ» نوميناتسياسى بويىنشا — بەكساۋىت باتىر;
«تەڭگە ءىلۋ» نوميناتسياسى بويىنشا — بەكنۇر سەرىكوۆ;
«ءداستۇرلى ساداق اتۋ» نوميناتسياسى بويىنشا — اياۋلىم اپپازوۆا;
«اسىق اتۋ» نوميناتسياسى بويىنشا — پالودار وبلىستىق قۇراماسى;
«JORYQ» نوميناتسياسى بويىنشا — جەتىسۋ وبلىسى كومانداسى;
سونداي-اق سالتاناتتى ماراپاتتاۋ كەشى بارىسىندا ۇلتتىق سپورت تۇرلەرىنەن جاتتىقتىرۋشىلارعا ماراپاتتار بەرىلدى. ولار:
«توعىزقۇمالاق» بويىنشا اعا جاتتىقتىرۋشى — ارىستان قاپاەۆ;
«بايگە» جاتتىقتىرۋشىسى — مۇرات دوسبەرگەنوۆ;
«قۇسبەگى» بويىنشا اعا جاتتىقتىرۋشى —جومارت كەۋەنوۆ.
«كوكپار» بويىنشا اعا جاتتىقتىرۋشى —ەسجان قۇرمانباي;
«اۋدارىسپاق» بويىنشا باس جاتتىقتىرۋشى —جانباتىر بەكمۇساەۆ;
«جامبى اتۋ» بويىنشا اعا جاتتىقتىرۋشى — ەربۇلان بەكبوسىنوۆ;
«تەڭگە ءىلۋ» بويىنشا اعا جاتتىقتىرۋشى — اقتىلەك سارسەنوۆ;
«ءداستۇرلى ساداق اتۋ» بويىنشا باس جاتتىقتىرۋشى —دياس احمەتوۆ;
«اسىق اتۋ» بويىنشا باس جاتتىقتىرۋشى— قۋان قاليبەك.
