SportPress.kz Qazaqstan sport jańalyqtary
Búgin, 21 jeltoqsanda Astana qalasyndaǵy Q.Qýanyshbaev atyndaǵy memlekettik akademııalyq mýzykalyq drama teatrda ulttyq sport túrleri boıynsha jyl saıyn dástúrli tabys etiletin «Altyn tuǵyr-2023» syılyǵymen marapattaý rásimi bolyp ótti, dep habarlady Asyq atý federaııasy.
Ulttyq sport túrleri qaýymdastyǵynyń uıymdastyrýymen osymen onynshy ret ótkizilgen is-sharada ulttyq sportty ulyqtap júrgen úzdikterge arnaıy músinshe men aqshalaı syıaqy tabys etildi.
Bıylǵy marapattaý rásimi ózgeshe formatta uıymdastyrylǵan eken. Aldymen teatr foıesinde asyq atý, toǵyzqumalaq jáne sadaq atýdan baıqaýlar ótip, jıynǵa jınalǵandar estelik sýretke tústi. Osydan keıin ulttyq sport túrleri qaýymdastyǵyna kiretin 10 federaııanyń úzdikteri jerge tóselgen kók kilemmen júrip ótti.
Marapattaý rásimin Ulttyq sport túrleri qaýymdastyǵynyń prezıdenti Islambek Saljanov óziniń quttyqtaý sózimen ashyp, qaýymdastyqtyń bıylǵy jyly atqarǵan jumysy men kelesi jylǵa josparlary týraly aıtty.
Parlament Májilisiniń tóraǵasy Erlan Qoshanov marapattaý rásimin bastap, memleket basshysy Qasym-Jomart Toqaevtyń quttyqtaýyn jetkizdi. Sodan keıin Kókpar federaııasynyń prezıdenti Baýyrjan Isabaev, Jamby federaııasynyń prezıdenti Erkebulan Ilıasovpen birge kókpar men jamby atý sportynyń úzdikterin marapattady.
Týrızm jáne sportmınıstri Ermek Marjyqpaev pen Amanat partııasynyń jaýapty hatshysy Dáýlet Káribek pen Báıge federaııasynyń prezıdenti Qanat Kópbaevtarmen birge elimizdiń eń úzdik qusbegisi men báıge sportynyń úzdikterine marapattaryn tabys etti.
Astana qalasynyń ákimi Jeńis Qasymbek, Dúnıejúzilik toǵyzqumalaq federaııasynyń prezıdenti Álıhan Baımenov, Aýdaryspaq federaııasynyń prezıdenti Marat Jumanmen birge toǵyzqumalaq jáne aýdaryspaq sportynyń úzdikterin ulyqtady.
Parlament Májilisiniń depýtaty Nurtóre Júsip,Teńge ilý federaııasynyń prezıdenti Amangeldi Ábdiqadyr men Sadaq atý federaııasynyń prezıdenti Aıdos Muqataevtyń qolynan teńge ilý men sadaq atýdyń úzdikteri marapattarǵa ıe boldy.
Parlament Májilisiniń depýtattary Ashat Aımaǵambetov pen Edil Jańbyrshın jáne Asyq atý federaııasynyń atqarýshy dırektory Jomart Sabyrjanuly men Joryq federaııasynyń prezıdenti Baqytjan Turlybek úzdik jorǵashy men asyq atý sporty boıynsha úzdik dep tanylǵan Pavlodar oblysy quramasyna syılyqtaryn tabys etti.
Pavlodar oblysynyń asyqshylary bıylǵy jyly Astanada ótken Ulttyq sport túrleri festıvalinde úzdik shyǵyp, Aqtóbede ótken eresekter arasyndaǵy Qazaqstan kýbogyn da qanjyǵalaryna baılaǵan bolatyn. Odan bólek Rýmynııada ótken álem kýbogy men Kókshetaýda ótken eresekter arasyndaǵy Qazaqstan chempıonatynda kúmispen kúpteldi. Pavlodarlyq asyqshylarǵa berilgen marapat naǵyz ıesin tapqan marapat boldy. Budan bólek ulttyq sport túrleri qaýymdastyǵynyń quramyna kiretin sport túrleriniń aǵa jattyqtyrýshylary da arnaıy marapatqa ıe bolsa, olardyń arasynda Asyq atýdan Pavlodar oblysynyń aǵa jattyqtyrýshysy Halıbek Hýan da boldy. «Aqparattyq áriptestik» nomınaııasyn Qazaqstan teleradıokompanııasy ıelendi.
Merekelik is-shara «Naz» memlekettik bı teatry bıshileriniń ónerimen bastalyp, «Alash uly», «Keshıý» toptarynyń jáne ánshiler Ázimbek Baıdın, Marjan Arapbaeva, Ushqyn Jamalbek jáne Ibragım Eskendirdiń ásem ánimen jalǵasyn taýyp otyrdy.
Sán-saltanatymen ótken ádemi keshti Ulttyq sport túrleri qaýymdastyǵynyń prezıdenti Islambek Saljanov qorytyndylap, júzden júırik shyqqan úzdikterdi marapattarymen quttyqtady. Kelesi jyly elimizde ótetin Kóshpendiler oıyndarynda baq synaıtyn sportshylarǵa sáttilik tiledi.
2023 jyly on nomınaııa boıynsha «Altyn tuǵyr» syılyǵynyń ıegerleri atandy:
«Toǵyzqumalaq» nomınaııasy boıynsha — Janat Kaımýldın;
«Báıge» nomınaııasy boıynsha — Bekzat Dildahan men Edil Taımerdenov;
«Qusbegi» nomınaııasy boıynsha — Kýntýǵan Armanbek;
«Kókpar» nomınaııasy boıynsha — «Áýlıe ata» komandasy;
«Aýdaryspaq» nomınaııasy boıynsha — Saılaý Muhametjanov;
«Jamby atý» nomınaııasy boıynsha — Beksaýyt Batyr;
«Teńge ilý» nomınaııasy boıynsha — Beknur Serikov;
«Dástúrli sadaq atý» nomınaııasy boıynsha — Aıaýlym Appazova;
«Asyq atý» nomınaııasy boıynsha — Palodar oblystyq quramasy;
«JORYQ» nomınaııasy boıynsha — Jetisý oblysy komandasy;
Sondaı-aq saltanatty marapattaý keshi barysynda ulttyq sport túrlerinen jattyqtyrýshylarǵa marapattar berildi. Olar:
«Toǵyzqumalaq» boıynsha aǵa jattyqtyrýshy — Arystan Qapaev;
«Báıge» jattyqtyrýshysy — Murat Dosbergenov;
«Qusbegi» boıynsha aǵa jattyqtyrýshy —Jomart Keýenov.
«Kókpar» boıynsha aǵa jattyqtyrýshy —Esjan Qurmanbaı;
«Aýdaryspaq» boıynsha bas jattyqtyrýshy —Janbatyr Bekmusaev;
«Jamby atý» boıynsha aǵa jattyqtyrýshy — Erbulan Bekbosynov;
«Teńge ilý» boıynsha aǵa jattyqtyrýshy — Aqtilek Sársenov;
«Dástúrli sadaq atý» boıynsha bas jattyqtyrýshy —Dıas Ahmetov;
«Asyq atý» boıynsha bas jattyqtyrýshy— Qýan Qalıbek.
