Qazaqstan quramasy túgelimen Bahodır Jalolovtyń úılený toıyna bardy (VIDEO)

Tashkent qalasynda О́zbekstannyń asa aýyr salmaqtaǵy ataqty boksshysy Bahodır Jalolovtyń úılený toıy boldy. Onyń shańyraq kóterý toıyna bokstan Qazaqstannyń ulttyq qurama komandasy da baryp, toı ıesin quttyqtap qaıtty.

Toıda ulttyq quramanyń bas jattyqtyrýshysy Myrzaǵalı Aıtjanov birinshi bolyp sóz sóılep, boksshyny úılený toıymen quttyqtady.

Bahodır Jalolov qurmet tuǵyryna jaıdan-jaı kelgen joq. Qazir О́zbekstanda boksqa qatty mán berilip, ol jan-jaqty damyp jatyr. Ony biz kórip te bilip te otyrmyz. О́zbekstanda el prezıdenti, mınıstrliktiń sport komıteti, Boks federaııasy bári-bári bylǵary qolǵap ónerin qoldap, ony damytýda qolda bar múmkindiktiń bárin jasap jatyr. Endi Bahodır, osy qoldaýdy sezinip, tek bıikten kórine ber, — dedi Qazaqstan ulttyq qurama komandasynyń bas jattyqtyrýshysy Myrzaǵalı Aıtjanov.

Toıda tilek aıtqan taǵy bir kisi «Bahodırge ashyq aspan tileımiz! Qudaı qalasa, kelesi Olımpıadada eki dúrkin chempıon atansyn degen tilegimiz bar», dep boksshyǵa Parıj Olımpıadasynda jeńis tuǵyrynan kórinýine tilektestigin bildirdi.

2013 jylǵy álem chempıony Birjan Jaqyp ta sóz sóılep, tilegin aıtty. Ol: «Bahodır baýyrym, toı qutty bolsyn! Baqytty bol! Qazaqstan men О́zbekstannyń, onyń ishinde eki eldiń bokstaǵy dostyǵy ajyramasyn! Bárimiz de osyndaı toıǵa jete bereıik!», -dedi.

Bahodır Jalolov 2020 jyly Tokıoda ótken Olımpııalyq oıyndardyń chempıony atanǵan. 2017, 2019, 2021 jyldary Azııa chempıony bolǵan. 2019, 2023 jyldary álem chempıony, 2022 jyly Azııa oıyndaryn jeńip alǵan.

Bıyl ol sátin salsa, kelesi jyly Parıj Olımpıadasynan keıin qaıtyp kásipqoı boksqa aýysatynyn eskertti. Ol eki dúrkin Olımpıada chempıony atanǵannan keıin Aleksandr Ýsık, Taıson Fıýrı, Entonı Djoshýa sekildi kásipqoı bokstaǵy álem chempıondarymen qolǵap túısirgisi keletinin ashyq aıtty.

Dastan KENJALIN,

ASTANA