بۇگىن دزيۋدوشىلار اقشالاي سىيلىق الدى

بۇگىن قازاقستان دزيۋدو فەدەراتسياسى كەزەكتى سپورت ماۋسىمدى قورىتىندىلاپ، سپورتشىلاردى ماراپاتتادى.

جيىنعا فەدەراتسيا پرەزيدەنتى قۋانىشبەك ەسەكەەۆ، ۇيىمنىڭ ۆيتسە-پرەزيدەنتتەرى، ۇلتتىق قۇراما جاتتىقتىرۋشىلارى مەن سپورتشىلارى، قازاقستان جاستار جانە جاسوسپىرىمدەر قۇراما كوماندالارىنىڭ باپكەرلەر قۇرامى مەن سپورتشىلار، عىلىمي-كەشەندى توپ وكىلدەرى قاتىستى، دەپ حابارلادى دزيۋدو فەدەراتسياسى.

جازعى ازيا ويىندارىنىڭ جۇلدەگەرلەرى ءابيبا ابۋجاقىنوۆا – 5000 اقش دوللارىن، ماعجان شامشادين — 3000$، ەسميگۇل كۋيۋلوۆا — 3000$، ابىلايحان جۇبانازار — 3000$، نۇرلىحان شارحان – 3000 دوللار الدى.

جاستار اراسىنداعى الەم چەمپيوناتىنىڭ جۇلدەگەرلەرى جانارىس راحمەتقالي — 1500$، تالعات ورىنباسار — 1500$، جاسوسپىرىمدەر اراسىنداعى الەم چەمپيونى مەن جۇلدەگەرلەرى نۇرلان يساتاەۆ — 1 000 000 تەڭگە، بالعاباي دوسبول — 400 000 تەڭگە، سابينا يۋلداشبەكوۆا — 500 000 تەڭگە، ورالبەك بايزاق — 400 000 تەڭگە، بەرىكبول جۇمانبەكوۆ — 400 000 تەڭگە مولشەرىندەگى سەرتيفيكاتتارعا يە بولدى.