ازيادا قازاقستاننىڭ گرەك-ريم، ەركىن جانە ايەلدەر كۇرەسى فەدەراتسياسى ۇزدىك دەپ تانىلدى

ازيا كۇرەس فەدەراتسياسى (UWW Azia) ونلاين داۋىس بەرۋ ارقىلى ەلىمىزدىڭ گرەك-ريم، ەركىن جانە ايەلدەر كۇرەسى فەدەراتسياسىن ازياداعى ۇزدىك فەدەراتسيا دەپ تانىدى، دەپ حابارلادى اتالعان ۇيىمنىڭ ءباسپاسوز قىزمەتى.

UWW-Asia اتقارۋ كوميتەتىنىڭ مۇشەلەرى ەكى كەزەڭ بويىنشا وتكەن داۋىس بەرۋدىڭ ناتيجەسىندە اتاقتى بالۋان، قوعام قايراتكەرى داۋلەت تۇرلىحانوۆ باسقاراتىن ەلىمىزدىڭ گرەك-ريم، ەركىن جانە ايەلدەر كۇرەسى فەدەراتسياسىن وسى مارتەبەلى اتاققا لايىق دەپ شەشتى.

ونلاين داۋىس بەرۋدە UWW-Asia اتقارۋ كوميتەتىنىڭ مۇشەلەرى 9-14 ساۋىردە استانادا گرەك-ريم، ەركىن جانە ايەلدەر كۇرەسى فەدەراتسياسىنىڭ ۇيىمداستىرۋىمەن وتكەن ەرەسەكتەر اراسىنداعى ازيا چەمپيوناتىن باس بارماقپەن باعالادى.