Jıtkeev pe, Imashev pa álde Jylgeldıev pe? Sportshy hám jattyqtyrýshy retinde qaısysy myqty?

Ashat Rasýluly Jıtkeev 1981 jyly 13 sáýir kúni Almaty oblysy Aqsý aýdanynda týǵan. Dzıýdodan QR eńbek sińirgen sport sheberi.  

Jetistikteri:

Eresekter arasynda álem chempıonatynyń qola júldegeri (Mıýnhen-2001);

Eresekter arasynda Azııa oıyndarynyń qola júldegeri (Pýsan-2002);

Eresekter arasynda Azııa chempıony (Chedjý-2003);

Ersekter arasynda Azııa chempıony (Almaty-2004);

Jazǵy Azııa oıyndarynyń qola júldegeri (Doha-2006);

Ersekter arasynda Azııa chempıonatynyń kúmis júldegeri (Tashkent-2005);

Jazǵy Olımpıada oıyndarynyń kúmis júldegeri (Pekın-2008).

Jattyqtyrýshylyq joly:

«Astana batyrlar jekpe-jek» klýbynda dzıýdodan nusqaýshy, Qazaqstan ulttyq quramasynyń bas bapkeri, Qazaqstan dzıýdo federaııasynyń bas hatshysy, Azııa dzıýdo odaǵynyń referı dırektory.

Aıbek Ásetuly Imashev 1992 jyly 15 shilde kúni Atyraý oblysy Qulsary qalasynda dúnıege kelgen. Segiz jasynan dzıýdomen aınalysqan. Qajymuqan Muńaıtpasov atyndaǵy mektep-ınternat-kolledjiniń túlegi. QR Halyqaralyq dárejedegi sport sheberi. Alǵashqy jattyqtyrýshysy Ádil Bısenqululynyń qolastynda jattyǵyp álem jáne Eýropa kýbogynyń ıegeri atanǵan.

Jetistikteri:

Jastar arasynda Qazaqstan chempıonatynyń kúmis júldegeri, (2011 j.); Jastar arasynda Azııa chempıony, (Lıvan-2011);

Álem kýbogynyń kúmis júldegeri, (Polsha-2013);

Eýropa kýbogynyń jeńimpazy, (Praga-2014).

Jattyqtyrýshylyq joly:

Mańǵystaý oblysy dzıýdo quramasynyń aǵa jattyqtyrýshysy (2018-2019 jj);

Qazaqstan jastar quramasynyń aǵa jattyqtyrýshysy (2019-2021 jj);

Mańǵystaý oblysy T.Joldybaev atyndaǵy dzıýdo ortalyǵynyń basshysy (2021-2022);

Mańǵystaý oblysy dene shynyqtyrý jáne sport basqarmasynyń orynbasary (2022-2023 j. qarasha);

Qazaqstan dzıýdo federaııasynyń atqarýshy dırektory (2023 j., 9 qarashadan).

Ǵalymjan Jambylbekuly Jylgeldıev 1970 jyly 13 tamyz kúni Jambyl oblysynda dúnıege kelgen. Sambodan QR Halyqaralyq dárejedegi sport sheberi, Qazaq kúresinen sport sheberi, Dzıýdodan QR eńbek sińirgen jattyqtyrýshysy.

Jetistikteri:

Eresekter arasynda sambodan álem chempıonatynyń qola júldegeri (Omby-1993);

Eresekter arasynda sambodan álem chempıonatynyń qola júldegeri (Novyı Sad-1994);

Eresekter arasynda sambodan Azııa chempıonatynyń kúmis júldegeri (1993);

Eresekter arasynda sambodan Azııa chempıony (Almaty-1994);

Eresekter arasynda sambodan Qazaqstan chempıony (1994).

Jattyqtyrýshylyq joly:

Dzıýdodan Qazaqstan jasóspirimder quramasynyń aǵa bapkeri (2006 -2010 j), Qazaqstan ulttyq quramasynyń bapkeri (2015-2020 jj), Qazaqstan ulttyq quramasynyń bas bapkeri (2020-2022 jj).

Álem jáne Qazaqstanǵa belgili shákirtteri:

Eldos Smetov, Azııa chempıonatynyń qola júldegeri (Bangkok-2013), Azııa oıyndarynyń jeńimpazy (Inchhon-2014), álem chempıony (Astana-2015), Rıo-de-Janeıro olımpıadasynyń kúmis júldegeri (2016), Azııa chempıony (Tashkent-2016), álem chempıonatynyń qola júldegeri (Tokıo-2019),Tokıo olımpıadasynyń qola júldegeri (2020), álem chempıonatynyń qola júldegeri (Tashkent-2022);

Á.Qalqamanuly, jastar arasynda álem chempıonatynyń kúmis júldegeri (Ońt. Afrıka-2011), eresekter arasynda dzıýdodan úsh dúrkin QR chempıony, Eýropa kýbogynyń qola júldegeri (Germanııa-2014), Azııa oıyndarynyń kúmis júldegeri, aralas komandalyq saıysta (Inchhon-2014), Gran-Prı týrnıriniń qola júldegeri (Astana-2014);

Ǵ.Qyryqbaı, Dúnıejúzilik ýnıversıadanyń jeńimpazy (Neapol-2019), Qazaqstan chempıonatynyń qola júldegeri (2020), Grand Slam týrnıriniń qola júldegeri (Tokıo-2022), Grand Slam týrnıriniń qola júldegeri (Astana-2023);

M.Esbolaev, jasóspirimder arasynda Eýrazııa oıyndarynyń kúmis júldegeri, jastar arasynda Qazaqstan chempıonatynyń jeńimpazy.

B.Sháımerden, Dúnıejúzilik ýnıversıadanyń qola júldegeri (Taıpeı-2017), Qazaqstan chempıonatynyń kúmis júldegeri (Atyraý-2022), kýrashtan jazǵy Azııa oıyndarynyń kúmis júldegeri (Hanchjoý-2023).

 

Daıyndaǵan Aıbek MUHANOV,

Qazaqstan Jýrnalıster odaǵynyń múshesi

Mańǵystaý oblysy