Qazaqtan shyqqan tuńǵysh kınomehanık Rápııa Halyqovanyń qurmetine murajaı ashyldy

Jambyl oblysy Qordaı aýdany Kenen aýylynda qazaqtan shyqqan tuńǵysh kınomehanık, KSRO kınematografııasynyń úzdigi, «Qurmet», «Oktbıar revolıýııasy» ordenderiniń ıegeri, Qazaqstanǵa eńbegi sińgen Mádenıet qyzmetkeri, Jambyl oblysynyń qurmetti kınomehanıgi Rápııa Halyqovanyń qurmetine murajaı ashyldy.

Rápııa Halyqqyzy asharshylyqta dúnıege kelip, surapyl soǵys jyldarynda ómirge qadam basyp, mádenıet salasynda 36 jyl eńbek etken. Sol qyzmeti úshin KSRO kınematografııasynyń úzdigi, Qazaqstan Respýblıkasynyń eńbek sińirgen mádenıet qaıratkeri atandy. Qordaı aýdany ákiminiń orynbasary Damıra Súgirbaevanyń aıtýynsha, Rápııa apamyzdyń atyndaǵy murajaı – qazaq kınosynan maǵlumat beretin qundy mádenı orda bolatyny sózsiz. Jastarǵa rýhanı-mádenı qazyna beretin úlken mura. Sádibekovter áýleti óz qarajatyna ashty.

Osy istiń basy-qasynda Rápııa Halyqqyzynyń uly belgili jýrnalıst Aqyn Ordabaıuly júrdi. Onyń aıtýynsha, murajaıǵa anasynyń kózi tirisinde qolyna ustaǵan zattary men tarıhı qundy jádigerler qoıylǵan. Sonymen qatar murajaıdyń bir buryshyna qazaqtan shyqqan tuńǵysh kınomehanıktiń ómirlik jary bolǵan Qazaq KSR Oqý-Aǵartý isiniń úzdigi, Uly Otan soǵysynyń ardageri, alǵash bolyp Qordaı aýdynynyń qurmetti azamat ataǵyn alǵan jannyń biri, 40 jyl ustazdyq etip bala oqytqan Ordabaı Sádibekov týraly da murajaı ashylyp, kórermenderdiń nazaryna usynylǵan.

Murajaıdyń ashylý saltanatyna Qordaı aýdany ákiminiń orynbasary Damıra Maratqyzy, Qordaı aýdany aqsaqaldar alqasynyń tóraǵasy Birjan Álimbetovter arnaıy kelip, murajaı kabınettiń ashylý lentasyn qıdy. Aýyl halqy men Almatydan arnaıy kelgen mártebeli qonaqtarda murajaıdy aralap, árbir foto arhıv pen qundy jádigerlermen tanysyp, úlken ásermen shyqty. Sosyn kópshilik Mádenıet úıiniń ortalyq zalyna baryp, konertti tamashalady. Mádenıet úıiniń meńgerýshisi Jazıra Orynqyzynyń úılesimdi uıymdastyrýymen ótken saltanatty is-sharada «Qazaqfılm» kompanııasy  túsirgen «Rápııa» atty derekti fılm men onyń ómir joly týraly jarasymdy jasalǵan slaıdttar kórsetildi.

Odan keıin Kenen Ázirbaevtyń shákirti Asylqul Búrbaevtyń uly Erlan Búrbaevtyń kesh ıesine arnap shyǵarǵan óleń joldary oqyldy. «Jeltoqsan Aqıqaty» respýblıkalyq qoǵamdyq birlestiginiń tóraǵasy Bolat Qurymbaev,  Ǵylym akademııasynyń qaýipsizdik qyzmetiniń basshysy, polkovnık Saıfýtdın Shamsýtdınov, Kitap palatasynyń redaktory, belgili jýrnalıst Nurymjan Maýyt, ardager fotograf Qýantqan Saparov anamnyń qolynan dám tatyp, ǵıbaratqa toly áńgimelerin tyńdaǵandaryn sóz etip, osyndaı qýanyshty is-sharaǵa kýá bolyp otyrǵandaryna rızashylyǵyn bildirdi. Sonymen birge  20 jyldaı asyl anamyzdyń janynda júrip, bel shákirti bolǵan Serik Suranshybaıuly, Aýyl aqsaqaldar alqasynyń tóraǵasy Tursymbek, Sııazbaı, Aman aǵalarymyzdy aıaýly anamyz týraly qyzyqty estelikter aıtty, — dedi Aqyn Ordabaıuly.

Keshte qonaqtarǵa as berilip, Rápııa Halyqqyzy men Ordabaı Sádibekovtiń rýhyna arnalyp quran baǵyshtaldy. «Búgingi kún — erteńgi tarıh», demekshi, bul kún de erteń tarıh bolyp qalatyna senim zor. Qordaı aýdanynda aldaǵy jyly úlken murajaıdyń qabyrǵasy qalanady. Aýdan ákiminiń orynbasary Damıra Maratqyzy sol murajaıda qazaqtan shyqqan tuńǵysh kınomehanık Rápııa Halyqqyzynyń atynda bir bólme ashylatynyn atap ótti.

Dastan KENJALIN,

ASTANA