«Kanelony» bir raýndta úsh ret qulatýǵa bolady – Jánibek Álimhanuly (VIDEO)

Kásipqoı bokstan WBO jáne IBF tujyrymy boıynsha orta salmaqtaǵy álem chempıony Jánibek Álimhanuly Qazaqstan telearnasynyń «Tańsholpan» baǵdarlamasyna bergen suhbatynda ataqty meksıkalyq bylǵary qolǵap sheberi Saýl «Kanelo» Alvarespen jekpe-jekke shyqsa, bir raýndta úsh ret qulata alatynyn aıtyp qaldy.

Biz alǵash ret AQSh-qa 2018 jyly baryp, kelisimshart jasastyq. Biz aldymyzǵa aıqyn maqsat qoıdyq. Bizdiń basty maqsatymyz álem chempıony bolý edi. Sol maqsatqa jettik. Mine, Allaǵa shúkir 13-jekpe-jekte álem chempıony boldym. Bes jylda tez arada eki tujyrym boıynsha dúnıejúziniń chempıony atandym. Qazir eki tıtýldyń chempıonymyn, — dedi ol.

Suhbatta ol boksty hobbı retinde qaraıtynyn aıtty. Ol qazaq style degen atty tegin qoımaǵanyn, bolashaqta ókshesin basyp kele jatqan jas boksshylar sharshy alańǵa shyǵyp, qazaq staıldy dáriptese bul elimizge jaqsy bir septigin tıgizetinin atap ótti.

Kásipqoı boksta Meksıkanyń, AQSh-tyń stıli bar.  Aqyry bokstasyp, judyryqtasyp jatqanda nege qazaq style jasamasqa, neshe ony damytpasqa dep oıladym.  О́zimizdiń baýyrlar sol qazaq stılimen bokstassa, bolashaqta sharshy alańǵa shyǵyp jatqanda sol qazaq staıldy dáriptese bul elimizge jaqsy bir septgin tıgizer dep sanaımyn.

AQSh-qa barǵan kezde laqap at tańdaýmen júrgen bolatynbyz. Sol kezde tańdaǵan atymyz qazaq eline qalaı áser etedi dep oılap júrdik. Birinshi jekpe-jekte amerıkalyqtar ózderi laqap at qoıǵan edi. Biraq, Berik Sultanov menedjer aǵammen aqyldasyp, sóılesip, qazaq style degen atty tańdadyq, — dedi boksshy.

Boksshynyń aıtýynsha, kásipqoı boksqa barǵan kezde álemdegi eń jaryq juldyzben rıngke shyǵyp, judyryqtasqysy kelgen.

Bizde qazir ekinshi orta salmaqtaǵy álem chempıony «Kanelo» bolyp tur. Ony 100 paıyz jeńe alamyn. О́ıtkeni, men onyń árbir jekpe-jegin, jattyǵýlaryn bilemin. Baqylap otyramyn. Qarap júremin. Onyń kemshiligi men artyqshylyǵyn aıta alamyn. Onyń bárin dápterge jazyp otyramyn. Eger onymen qolǵap túıistiretin bolsam, qandaı taktıka qoldanyp, qandaı aılamen jeńýge kerektigin bilemin. Men ony bir raýndta úsh ret qulata alamyn. Bul jaı sóz emes. Ony Qudaı qalasa kezedsip jatsaq, ispen dáleldeýge tyrysamyz, — dedi álem chempıony.

Eske sala ketsek, buǵan deıin de Jánibek Álimhanuly ekinshi orta salmaqtaǵy absolıýtti álem chempıony meksıkalyq Saýl «Kanelo» Alvareske qarsy jekpe-jek ótkizýge daıyn ekenin aıtqan edi. Otandasymyz ony kelesi jyldyń aqpan aıynda judyryqtasýǵa shaqyryp, ońaı nokaýtqa túseretinin aıtqan bolatyn.

Meniń daıyn ekenimdi bilesizder. «Kanelo» daıyn bolsa, men onymen aqpan aıynda judyryqtasýǵa daıynmyn. Maǵan tórt belbeý kerek. Men ony ońaıshylyqpen nokaýtqa túsire alamyn. Bokstan habaryńyz bolsa, sizder bárin bilesizder, — dedi boksshy.

Otandasymyz sońǵy ret 15 qazanda germanııalyq Vıncheno Gýalterıdi jeńip, WBO jáne IBF tujyrymy boıynsha álem chempıony atandy.

Dastan KENJALIN,

ASTANA

 

View this post on Instagram

 

A post shared by Qazaqstan.tv Ulttyq telearnasy (@qazaqstantv)