Qazaqstan tennısshileri halyqaralyq týrnırlerde fınalǵa shyqty

Tennısshiler Anna Danılına men Jibek Qulambaeva halyqaralyq týrnırlerde jaqsy nátıje kórsetip jatyr. Danılına Jańa Zelandııanyń Oklend qalasynda ótip jatqan WTA 250 týrnıriniń fınalyna shyqsa, Qulambaeva Taılandtyń Nonthabýrı qalasynda jalǵasyp jatqan ITF W50 týrnıriniń fınalyna joldama aldy, dep habarlady Qazaqstan tennıs federaııasy.

Anna Danılına slovakııalyq Vıktorııa Grýnchakovamen birge jartylaı fınalda franııalyq Djessıka Ponshe men chehııalyq Anna Shıshkovamen oınady. Birinshi partııada Danılına men Grýnchakova taı-breıkte sátti oınady. Olar qarsylastarynan 7:6 (7:2) esebimen alǵa shyqty.  Ekinshi sette franııalyq-chehııalyq dýet qarymta qaıyrdy. Esep — 6:4. Al sýper taı-breıkte Danılına men Grýnchakova 10:7 esebimen jeńdi.

Endi Anna Danılına men Vıktorııa Grýnchakovanyń fınaldaǵy qarsylastary keıin anyqtalady.

Jibek Qulambaeva juptyq synda grekııalyq Sapfo Sakellarıdımen birge jartylaı fınalda taılandtyq Lýksıka Kýmhým men ońtústikkoreıalyq So Hen Pakpen kortqa shyqty.

Qulambaeva men Sakellarıdı  qarsylastaryn 6:4, 6:1 esebimen jeńdi. Endi fınalda olar taǵy bir taılandtyq Lanlana Tararýdı men taıbeılik Hıa Iýı Tsaomen bas júldeni sarapqa salady.