وليمپيادا چەمپيونى مۋزەيگە ەستىلىك جادىگەرلەردى سىيلادى

فۋتبولدان 1988 جىلعى وليمپيادا چەمپيونى ەۆگەني ياروۆەنكو قازاقستان فۋتبولىنىڭ مۋزەيىنە ەستەلىك جادىگەرلەردى سىيعا تارتتى، دەپ حابارلادى قازاقستان فۋتبول فەدەراتسياسى.

ول مۋزەيگە كسرو قۇراماسىنىڭ 1988 جىلعى ويىن جەيدەسى، وليمپيالىق ويىندارعا قاتىسقان سپورتشىنىڭ مەدالى مەن وڭتۇستىك كورەيادا وتكەن ويىنداردان ەستەلىك فوتوسۋرەتتەردى تارتۋ ەتتى.

ياروۆەنكو ءوزى كيگەن فۋتبول كيىمدەرى مەن باسقا دا زاتتاردى تابىس ەتە وتىرىپ، مۋزەي قورىنىڭ ودان سايىن قۇندى ماتەريالدارمەن تولىعى بەرەتىنىنە سەنىم ءبىلدىردى.

بۇل جەيدەگە 37 جىل بولدى. ونى ءبىزدىڭ جاس ۇرپاق تاريحتى ءبىلۋى ءۇشىن مۋزەيگە تاپسىرۋدى ءجون كوردىم. ونىمەن قوسا، 1988 جىلى 1 قازاندا سەۋلدە وتكەن برازيليالىقتارمەن فينالدىڭ سۋرەتتەرىن دە تاپسىرامىن. مۋزەي جىل سايىن جاڭا جادىگەرلەرمەن تولىعىپ تۇرۋى كەرەك. بۇل فۋتبول تاريحى. وتكەن عاسىردا «قايرات»كلۋبىندا ويناعان ازاماتتاردىڭ مۋزەيگە تاپسىراتىن جادىگەرلەرى بار دەپ ويلايمىن،– دەدى وليمپيادا چەمپيونى.

قازاقستان فۋتبولىنىڭ مۋزەيى 2023 جىلى ەل فۋتبولىنىڭ 110 جىلدىعىنا وراي وتاندىق فۋتبولدى ناسيحاتتاۋ ماقساتىندا اشىلعان بولاتىن.