Olımpıada chempıony mýzeıge estilik jádigerlerdi syılady

Fýtboldan 1988 jylǵy Olımpıada chempıony Evgenıı Iarovenko Qazaqstan fýtbolynyń mýzeıine estelik jádigerlerdi syıǵa tartty, dep habarlady Qazaqstan fýtbol federaııasy.

Ol mýzeıge KSRO quramasynyń 1988 jylǵy oıyn jeıdesi, Olımpııalyq oıyndarǵa qatysqan sportshynyń medali men Ońtústik Koreıada ótken Oıyndardan estelik fotosýretterdi tartý etti.

Iarovenko ózi kıgen fýtbol kıimderi men basqa da zattardy tabys ete otyryp, mýzeı qorynyń odan saıyn qundy materıaldarmen tolyǵy beretinine senim bildirdi.

Bul jeıdege 37 jyl boldy. Ony bizdiń jas urpaq tarıhty bilýi úshin mýzeıge tapsyrýdy jón kórdim. Onymen qosa, 1988 jyly 1 qazanda Seýlde ótken brazılııalyqtarmen fınaldyń sýretterin de tapsyramyn. Mýzeı jyl saıyn jańa jádigerlermen tolyǵyp turýy kerek. Bul fýtbol tarıhy. О́tken ǵasyrda «Qaırat»klýbynda oınaǵan azamattardyń mýzeıge tapsyratyn jádigerleri bar dep oılaımyn,– dedi Olımpıada chempıony.

Qazaqstan fýtbolynyń mýzeıi 2023 jyly el fýtbolynyń 110 jyldyǵyna oraı otandyq fýtboldy nasıhattaý maqsatynda ashylǵan bolatyn.