«Hantalapaıdy» 350 myńnan astam bala oınady

Elimizdegi bilim berý uıymdarynda «Birtutas tárbıe baǵdarlamasy» aıasynda «Hantalapaı» atty mektep jasyna deıingi balalarǵa arnalǵan ulttyq oıyndardyń respýblıkalyq baıqaýy boldy. Oǵan 350 myńnan astam bala qatysty, dep habarlady Oqý-aǵartý mınıstrligi.

Is-shara ulttyq oıyndarǵa degen qyzyǵýshylyqty oıatý, qazaq halqynyń mádenı murasy men dástúrlerin dáripteý maqsatynda uıymdastyryldy.

Baıqaý aýdandyq, qalalyq, oblystyq jáne respýblıkalyq kezeńderden turdy. Mektep jasyna deıingi balalar ártúrli kóńildi oıyndarǵa qatysyp qana qoımaı, elimizdegi túrli ulttardyń mádenı murasymen jáne dástúrlerimen tanysty. Bul baıqaý halyq arasynda umyt bolǵan, ulttyq oıyndardyń jandanýyna yqpal etedi jáne pedagogterdiń kásibı sheberligin arttyrady, — dedi Balalardy erte damytý ınstıtýtynyń dırektory Gúlshat Ońlanbekqyzy.

Baıqaýda «Júzden júırik, myńnan tulpar», «Altyn saqa», «Úzdik oıynshylar», «Belsendi oıynshylar», «Tapqyrlar men eptiler», men «Úzdik uıymdastyrylǵan oıyn alańy» atalymy boıynsha jeńimpazdar anyqtaldy.