EURO-2024: Ýkraına, Grýzııa men Polsha joldama aldy

Ýkraına, Grýzııa men Polsha quramalary Eýropa chempıonatyna joldama aldy. Al Qazaqstan joldastyq kezdesýde Lıýksembýrgten jeńildi.

Qazaqstan quramasy Lıýksembýrg komandasynan 1:2 esebimen ese jiberdi. Ulttyq qurama osynyń aldynda 21 naýryzda  Ulttar lıgasynyń jartylaı fınalynda  Afınada Grekııadan 0:5 esebimen oısyraı jeńilse, Lıýksembýrg Tbılısıde Grýzııaǵa 0:2 esebimen jol bergen edi.

Bul matchta birinshi bolyp qonaqtar esep ashty. Oıynnyń 2-mınýtynda Ashat Taǵybergenniń qaqpa alańyna qaraı áýeletip jibergen dobyna basyn tosa qoıǵan 21 jastaǵy Ádilet Sádibekov goldyń avtory atandy.

Biraq alań ıeleri esepti tez arada teńestirip ketti. 24-mınýtta Slovakııanyń «Slovan» klýbynyń forvardy Jelson Rodrıgesh tarazy basyn teńestirdi. Odan keıin Lıýksembýrgtiń oıynshysy Danel Sınanı úziliske shyǵar aldynda tablodaǵy esepti ózgertti.

Matchtyń ekinshi taımynda qarsylastardyń bir-birine gol sala alǵan joq. Matchtaǵy esep 2:1 bolyp alań ıeleriniń paıdasyna sheshildi.

Endi ulttyq qurama maýsym aıynda Armenııa komandasymen joldastyq kezdesý ótkizedi. Al Ýkraına, Grýzııa men Polsha qurama komandalary Eýropa chempıonatyna joldamany jeńip aldy.  Ýkraındar osymen qatarynan tórtinshi ret qurlyq chempıonatyna shyǵyp otyrsa, Grýzııa komandasy alǵash ret fýtbol alamanǵa qatysqaly otyr.

Ýkraına quramasy Polshanyń Vrolav qalasynda Islandııamen oınap, 2:1 esebimen jeńiske jetti. Bul matchta ýkraındar 0:1 esebimen jeńilip jatyp, eki birdeı goldy qarsylastar qaqpasyna toǵytty. Sóıtip, Ýkraına quramasy sońǵy eki oıynda da jeńilip jatyp, jeńisti julyp aldy. Olar osynyń aldynda Bosnııa jáne Gerogovına quramasyn 2:1 esebimen jeńgen bolatyn.

Bul matchta 30-mınýtta Albert Gýdmýndsson esep ashsa, ýkraındar eki goldy oıynnyń ekinshi jartysynda saldy. Áýeli 54-mınýtta Vıktor ygankov esepti teńestirse, 84-mınýtta Mıhaıl Mýdrık jeńis golynyń avtory atandy. Al Grýzııa men Grekııa jáne Ýels pen Polsha komandalarynyń matchtarynda esep ashylǵan joq. Bul oıyndarda Eýropa chempıonatyna joldamanyń taǵdyry matchtyń sońynda berilgen penaltıler serııasynda sheshildi. Munda Polsha Ýelsti penaltıde 5:4 esebimen, al Grýzııa Grekııany 4:2 esebimen jeńdi.

Sóıtip, Ulttar lıgasynan Eýro-2024 dodasyna úsh qurama qosyldy.

Grýzııa quramasynyń sońǵy, sheshýshi penaltıin Qazaqstan premer-lıgasynda dop tepken oıynshy saldy.  Ol — Nıka Kvekveskırı. 2017- 2020 jyldary Qostanaıdyń «Tobyl» komandasynyń namysyn qorǵaǵan. Qazaqstannyń kúmis (2020) jáne qola (2018) júldegeri.

Grýzııanyń úshinshi penaltıin Grekııanyń qaqpasyna salǵan oıynshy da Qazaqstanǵa jaqsy tanys. Lasha Dvalı 2017 jyly Pavlodardyń «Ertis» klýbynda oınaǵan.

Endi Ýkraına Eýropa chempıonatynda Belgııa, Slovakııa men Rýmynııa quramalarymen bip topta oınasa, Grýzııa Túrkııa, Portýgalııa men Chehııanyń tobyna tústi. Polsha chempıonatqa Franııa, Aýstrııa jáne Nıderlandpen bir topta qatysady.

Eýropa chempıonaty 14 maýsym men 14 shilde aralyǵynda Germanııanyń 10 qalasynda bolady. Eýro-2024 dodasynda 24 eldiń ulttyq qurama komandalary kúsh synasady.

Dastan KENJALIN,

ASTANA