قازاقستان ايەلدەر قۇراماسىنىڭ جاتتىقتىرۋشىلار قۇرامى 8-10 ءcاۋىر ارالىعىندا استانادا وتەتىن سپاررينگتىك كەزدەسۋلەرگە شاقىرتىلعان بوكسشىلاردىڭ قۇرامىن بەكىتتى، دەپ حابارلادى قازاقستان بوكس فەدەراتسياسى.
سپاررينگتىك جەكپە-جەكتەردىڭ قورىتىندىسى بويىنشا جاتتىقتىرۋشىلار قۇرامى تايلاندتىڭ استاناسى – بانگكوك قالاسىندا وتەتىن الەمدىك ىرىكتەۋ تۋرنيرىنە قاتىساتىن بوكسشىلاردى انىقتايدى.
سپاررينگتىك كەزدەسۋلەرگە 4 سالماق دارەجەسىندە 16 بوكسشى شاقىرتىلدى. ولاردىڭ اراسىندا 54 كەلىدەگى انگەلينا لۋكاس تا بار. ال 60 كەلىدە سپاررينگ ۇيىمداستىرىلمايتىن بولدى. ويتكەنى، يتالياداعى ىرىكتەۋ ءتۋرنيرى كەزىندە جاراقات الىپ قالعان ريمما ۆولوسەنكونىڭ قولى ءالى جازىلعان جوق. سوندىقتان، جاتتىقتىرۋشىلار ۆولوسەنكو مەن ونىڭ باستى باسەكەلەسى ۆيكتوريا گرافەەۆانى دا بانگكوك باسەكەسىنە قاتىسۋى مۇمكىن بوكسشىلاردىڭ قاتارىنا قوستى. ىرىكتەۋ تۋرنيرىنە قايسىسىنىڭ قاتىساتىنى كەيىنىرەك وتەتىن وقۋ-جاتتىعۋ جيىنىندا بەلگىلى بولادى.
50 كگ:
نازىم قىزايباي (1993)
الۋا بالقىبەكوۆا (1996)
54 كگ:
انەل ساقىش (2000)
جاينا شەكەربەكوۆا (1989)
انگەلينا لۋكاس (1997)
بالاۋسا مۇزدىمان (1997)
ەلينا بازاروۆا (2004)
ۇلجان سارسەنبەك (2005)
سىمبات الياسقار (2004)
66 كگ:
جاسمين قيزاتوۆا (2002)
لاۋرا ەسەنكەلدى (2000)
ناتاليا بوگدانوۆا (1999)
داريعا شاكىموۆا (1988)
75 كگ:
گۇلسايا ەرجان (2001)
ۆالەنتينا حالزوۆا (1996)
جىبەك جاراسقىزى (2003).
View this post on Instagram