Jazǵy Olımpıadaǵa 100 kún qaldy

Bıylǵy jyldyń basty dodasy — jazǵy Olımpııalyq oıyndardyń saltanatty túrde ashylaýyna 100 kún ýaqyt qaldy.

Olımpıada Parıj qalasynda 26 shildesi men 11 tamyz aralyǵynda bolady.

Parıj qalasy 2017 jyldyń 13 qyrkúıeginde Perýdiń Lıma qalasynda ótken Halyqaralyq Olımpıadalyq komıtettiń 130-sessııasynda 2024 jylǵy Olımpıadany ótkizetin qala bolyp biraýyzdan saılandy.

Buǵan deıin Franııanyń astanasy óz tarıhynda eki ret 1900 jáne 1924 jyldary tórtjyldyqtyń basty dodasyn ótkizdi. Endi Parıj Ulybrıtanııanyń astanasy — Londonnan (1908, 1948 jáne 2012) keıin úsh ret Olımpııalyq oıyndardy ótkizgen ekinshi qala bolyp otyr.

Bıylǵy Olımpıada men Paralımpıada oıyndarynyń emblemasy 2019 jyldyń 21 qazanynda usynyldy.

Olımpıada men Paralımpıada oıyndaryn uıymdastyrý komıteti 2022 jyldyń 14 qarashasynda talısmandardy tanystyrdy.

Olımpııalyq oıyndardyń baǵdarlamasyna sporttyń 32 túri kirgen. Oǵan 206 elden 10 500 sportshy qatysady dep josparlanyp otyr.

Bıyl alǵash ret breıkıngten medaldar taratylady. Júldeniń birine Qazaqstan da úmitti bolýy múmkin.

Serfıng dodasy  Franııanyń materıktik bóliginde emes, Taıtı aralynda ótedi.

Parıj pen Taıtı araldaryryń arasy — 15 700 shaqyrym. Bul — Olımpıada oıyndarynyń rekordy. Buǵan deıin eshbir jarys Olımpıadany qabyldaýshy qaladan sonshalyqty alys bolǵan joq.

Tarıhta tuńǵysh ret Olımpıada men Paralımpıada oıyndarynyń boıtumary birdeı bolady.

Franııa bıligi Olımpıadany ótkizý úshin 8 mıllıard eýrodan astam qarajat bólýdi josparlaǵan.

Parıjde alǵash ret Halyqaralyq sporttyq federaııa jeńimpazdarǵa syıaqy taǵaıyndaıdy. Mundaı bastamany álemdik jeńil atletıka uıymy kóterip otyr. 48 dısıplınanyń birinde jeńiske jetken árbir atlet World Athletics tarapynan 50 myń dollar kóleminde syıaqy alady. Estafetada bul somany komandanyń árbir qatysýshysy ózara bólip alady.

Olımpıadanyń ashylýy Sena ózeninde ótedi.  Sportshylar sherýi ózen ústinde ótedi. Árbir delegaııa jekelegen qaıyqpen júzedi.

Parıjdegi Olımpıada alaýynyń qazany Tıýılrı saıabaǵynda ornatylady.  Olımpıadanyń alaýy 16 sáýirde jaǵyldy.

Olımpıadanyń ashylýy kúni Parıjdegi áýe keńistigi jabylady.

Parıjdegi Olımpıada alaýynyń  qazany Tıýılrı saıabaǵynda ornatylady.

Jarysqa bıletti adam qolynan satyp alýǵa bolmaıdy. Resmı túrde sporttyq jarysqa kirý úshin arnaıy saıttardy qoldanasyz.

Oıyndy uıymdastyrý isine 44 myń erikti tartylǵan. Bar álemnen 26 myń jýrnalıst akkredıtaııa alǵan.

Olımpııalyq aýyl 2021 jyldan beri soǵyldy.

Olımpııalyq aýyldy 2024 jylǵy oıyndardyń bastalýyna bes aı qalǵanda ashty.

Parıjde 6 100 kóshe bar. Onyń eń kishkentaıy 5 metrden sál asady.

Ashylý jáne jabylý saltanatynyń kórkemdik jetekshisi – Tomas Djollı.

Oıynnyń ashylý saltanaty Sena ózeninde ótse, jabylý saltanaty «Stad de Frans» stadıonynda josparlanǵan.

Gandbol men sadaq atýdan jarystar Olımpıada ashylýyna birneshe kún qalǵanda bastalady.

Alǵashqy júldeler 27 shildede sarapqa salynady.

Olımpıadanyń sońǵy jarys kúninde toǵyz sport túriniń ókilderi júldege talasady. Sportshylar 329 júlde jıyntyǵyn sarapqa salady.

Jabylý saltanatynda estafetany AQSh-qa joldaıdy. 2028 jylǵy jazǵy Olımpıada Los-Andjeleste ótedi.

2024 jylǵy Olımpıada oıyndarynyń urany — «Keńinen ashyq Oıyndar».

Qazaqstan atynan eń alǵashqy lıenzııany velosporttan 2023 jyly Taılandta ótken Azııa chempıonatynda jeńip aldy. Qazir Qazaqstanda sporttyń 12 túrinen 32 lıenzııa (30 sportshy) bar.32-joldamany jaqynda Nıderlandtyń Rotterdam qalasynda 42,1 shaqyrymǵa júgirýden (marafon) ótken jarysta Janna Mamajanova el rekordyn jańartyp, jeńip aldy. Ol 2 saǵat 26 mınýt 42 sekýnd júgirip, márege tórtinshi bolyp jetti.

30 jastaǵy Janna Mamajanova ekinshi ret Olımpıadaǵa qatysatyn alǵashqy marafonshy bolyp otyr.

Elimiz táýelsizdik alǵan kezden beri bıylǵy dodaǵa deıin 7 jazǵy Olımpıadaǵa qatysyp, 14 altyn, 22 kúmis, 35 qola júlde jeńip alǵan.

Búgin Astanada «Olımpıadaǵa 100 kún qaldy» atty birqatar is-shara uıymdastyryldy.

Kúnniń alǵashqy jartysynda trıatlon saıabaǵynda bes shaqyrymdyq buqaralyq júgirý ótti. Is-sharanyń maqsaty – sportshylardy, lıenzııaǵa úmitkerlerdi jáne eldegi olımpıadalyq qozǵalysty qoldaý.

Tústen keıin álemdik arenada Qazaqstan sporty úshin serpilis jasaǵan sportshylardyń tarıhy, emoııalary men sezimderine arnalǵan «Qazaq Olympic Style – ótkennen bolashaqqa» atty kórme ashyldy.

Kórmege qoıylǵan eksponattardyń ishinde Rıo-de-Janeıro Olımpıadasynyń qola júldegeri Olga Rypakovanyń kostıými, Sıdneı Olımpıadasynyń chempıony Olga Shıshıgınanyń tarıhı sporttyq formasy, el tarıhynda shańǵy qossaıysynnan Olımpıadaǵa tuńǵysh ret qatysqan Shyńǵys Rakparovtyń sporttyq jıyntyǵy jáne 1980 jylǵy Olımpıadada óner kórsetken otandyq sportshylardyń qoltańbasy qoıylǵan biregeı kenep bar.

El boıynsha barlyq mektepte oqýshylar arasynda Olımpııalyq oıyndarǵa arnalǵan akııa bastaldy. Sondaı-aq shyǵarmashylyq jáne kórkemdik baıqaýlar jarııalandy.