SportPress.kz قازاقستان سپورت جاڭالىقتارى
بولات نازارباەۆتىڭ «ساليقالى ۇرپاق» قوعامدىق قورى ارقالىق قالاسىنىڭ تاسقىن سۋدان زارداپ شەككەن ەكىدىڭ مەن قىزىل جۇلدىز اۋىلدارىنىڭ تۇرعىندارىنا 35 كيىز ءۇي تىگىپ بەردى.
ارقالىق قالاسىنىڭ اكىمى ءامىرحان اسانوۆتىڭ ايتۋىنشا، قوعامدىق قوردىڭ ديرەكتورى قاسىم قاسابەكوۆ ارنايى كەلىپ، 32 كيىز ءۇيدى ەكىدىڭ اۋىلىنىڭ تۇرعىندارىنا تابىس ەتتى.
التى قاناتتى اق شاڭقان كيىز ۇيلەر قۇرىلىپ، جەرەبە ارقىلى يەلەرى انىقتالدى. قيىن جاعدايدا كومەك كورسەتكەنى ءۇشىن «ساليقالى ۇرپاق» قوعامدىق قورىنا ارقالىق قالاسى اكىمىنىڭ ورىنباسارى مەشىتباي جۇمانوۆ جىلى لەبىزىن ءبىلدىرىپ، قور ديرەكتورى قاسىم قامبار ۇلىنا قالا اكىمىنىڭ العىس حاتىن تابىس ەتسە، اۋىل اعايىندارى ريزاشىلىقپەن يىعىنا شاپان جاپتى.
بۇل ىسكە بەلگىلى جۋرناليست، Qazaqstan ۇلتتىق تەلەارناسىنىڭ شەف-رەداكتورى نۇربەك بەكباۋدىڭ دا كومەگى ءتيدى. قاسىم قاسابەكوۆتىڭ ايتۋىنشا، ول نۇربەك بەكباۋدىڭ يدەياسىن الىپ، كيىز ۇيلەردى قاز قاتار تىككەن.
ارقالىق قالاسىنا قاراستى ەكىدىڭ مەن قىزىل جۇلدىز ەلدىمەكەندەرى تاسقىن سۋ كەزىندە پاناسىز قالعان حالىق كوشىرىلگەن بولاتىن. سوندىقتان «ساليقالى ۇرپاق» قوعامدىق قورىنىڭ مۇشەلەرى جاعدايدى كوزبەن كورۋ ءۇشىن وسى اۋىلدارعا ارنايى بارىپ، جەرگىلىكتى تۇرعىنداردىڭ جان-ايقايىن تىڭداپ، قانداي مۇقتاجدىق باسىم ەكەندىگىن بىلگەن ەدى. ۋاقىتشا پانالايتىن كيىز ءۇي سۇراعان حالىقتىڭ تىلەگى ورىندالدى.
سۋ تاسقىنىنىڭ سالدارىنان بارلىق دۇنيە-مۇلكىنەن، مالىنان ايىرىلعان حالىقتىڭ جاعدايى ءالى كۇنگە دەيىن تىم كۇردەلى ەكەندىگىنە كوزىمىز جەتتى. تۇرعىنداردىڭ كوپشىلىگى پانالايتىن ورىن تاپپاي قينالىپ وتىر ەكەن. سوندىقتان كوپتىڭ تىلەۋى — كيىز ءۇي بولدى. ءبىز ۋادە ەتىپ، بىردەن تاپسىرىس بەردىك. تاپسىرىسىمىز ۋاقىتىندا دايىن بولىپ، كيىز ۇيلەردى اۋىل ىشىنە قۇرىپ، حالىققا تابىس ەتتىك، سوزىمىزدە تۇردىق. باستىسى، كيىز ۇيلەردىڭ ساپاسىنا ءمان بەردىك. بارلىعى تالاپقا ساي جاسالدى. جەرگىلىكتى حالىق ريزا، شەكسىز العىستارىن ءبىلدىرىپ جاتىر. «جۇمىلا كوتەرگەن جۇك جەڭىل»، — دەيدى عوي. سوندىقتان، قانداي قيىنشىلىق بولسا دا، حالىقپەن بىرگە بولايىق، — دەدى «ساليقالى ۇرپاق» قوعامدىق قورىنىڭ ديرەكتورى قاسىم قاسابەكوۆ.
ەسكە سالا كەتسەك، ارقالىق قالاسىنا قاراستى ەكىدىڭ مەن قىزىل جۇلدىز اۋىلدارىنداعى سۋ تاسقىنىنان 200-گە جۋىق ادام تىكۇشاقتىڭ كومەگىمەن قاۋىپسىز ايماققا، ارقالىق قالاسىنداعى ەۆاكۋاتسيالىق پۋنكتتەرگە كوشىرىلگەن ەدى. جالپى، قالا اۋماعىنداعى سۋ باسقان اۋىلداردا 87 ءۇي، ال تەك ەكىدىڭ اۋىلىنىڭ وزىندە 38 باسپانا تۇرۋعا جارامسىز دەپ تانىلعان.
بۇگىندە جاڭا ۇيلەردىڭ قۇرىلىسى باستالىپ، حالىققا بىرتە-بىرتە وتەماقى تولەنىپ، كاسىپكەرلەر تاراپىنان دا ءتيىستى كومەك كورسەتىلىپ جاتىر. ال ارقالىققا قونىس اۋدارعان حالىق قالا اكىمدىگىنىڭ مۇرىندىق بولۋىمەن قالادان ۇيلەر الدى.
داستان كەنجالين،
استانا
View this post on Instagram
View this post on Instagram
