«Qaırat» fýtbol klýbyna reseılik jattyqtyrýshy keldi

Almaty qalasynyń «Qaırat» fýtbol klýbyna reseılik Aleksandr Kerjakov bas jattyqtyrýshy bolyp taǵaıyndaldy, dep habarlady fckairat.com.

Búgin ol klýbtyń sport bazasynda komandanyń basshylyq, bapkerler quramymen jáne oıynshylarmen tanysty.

Baqylaý keńesiniń tóraǵasy Qaırat Boranbaev komandaǵa jańa jattyqtyrýshy onyń kómekshileri Rýslan Adjındjal men Vladımır Kazakovty tanystyrdy. Osy kezge deıin klýbtyń bas jattyqtyrýshysy bolǵan Rafael Ýrazbahtınniń komandada qalyp, basqa jumyspen aınalysatyny habarlandy.

«Qaırat» fýtbol klýbynyń jańa jattyqtyrýshysy 41 jasta.  Ol Reseı premer-lıgasy men kýbok jolyndaǵy oıyndarda, ulttyq qurama sapynda 233 gol salǵan. Sankt-Peterbýrg qalasynyń «Zenıt» klýbynda qarsylastar qaqpasyn 161 ret dál kózdese,  Reseı qurama komandasynda oınaǵan kezinde 30 goldyń avtory atanǵan.

Oıynshy retinde «Zenıtten» bólek, Ispanııanyń «Sevılıa», Shveıarııanyń «ıýrıh» pen Máskeýdiń «Dınamo» komandalarynda oınaǵan.

ÝEFA kýbogynyń, Ispanııa kýbogy men Sýperkýbogynyń, Shveıarııa kýbogynyń ıegeri. Úsh dúrkin Reseı chempıony, Kýbok ıegeri, eki márte el Sýperkýbogynyń, sondaı-aq premer-lıga kýbogynyń ıegeri bolǵan.

Aleksandr Kerjakov bapker qyzmetin 2017 jyly «Zenıt» FK akademııasynda bastady. 2018-2020 jyldar aralyǵynda Reseıdiń U-17, U-18 ben U-19 jasóspirimder quramalaryn jattyqtyrǵan. Sonymen qatar Kerjakov reseılik «Tom», «Nıjnıı Novgorod», Kıprdiń «Karmıotıssa» men Serbııanyń «Spartak» Sýbotıa fýtbol klýbtarynda jattyqtyrýshy bolyp qyzmet etken.

Bıyl Kerjakov Ispanııanyń «Sevılıa» men Italııanyń «Inter» klýbtarynda taǵylymdamadan ótti.

2 maýsymda saǵat 19:00-de «Qaırat» QFL premer-lıgasynyń 10-týrynda Qaraǵandynyń «Shahter» klýbymen oınaıdy.