SportPress.kz Qazaqstan sport jańalyqtary
Qazaq kúresinen Serbııanyń Zrenıanın qalasynda ótip jatqan Eýropa chempıonatynyń erler arasyndaǵy alǵashqy kúngi beldesýleri tartysqa toly bolyp, topjarǵan palýandardyń jańa esimderi anyqtaldy.
Kári qurlyqtyń 17 elinen kelip jetken palýandar namysty qoldan bermeı jeńis úshin jan aıamady. Ásirese, jergilikti Serbııa komandasynyń palýandarynyń tól kúresimizdi erekshe meńgerip alǵandyǵy tańǵaldyrdy.
Sonymen qatar, Reseı men Slovakııa memleketteriniń palýandarynyń da ónerine qol soǵýǵa turarlyqtaı boldy. Qazaq kúresiniń osyndaı qarqyn ala bastaǵany týraly Dúnıejúzilik qazaq kúresi federaııasynyń birinshi vıe-prezıdenti Serik Adamuly Túkeev myrza «Osyndaı Eýropa elderiniń qazaq kúresine degen qyzyǵýshylyǵynyń arta túsýi, ol tól kúresimizdiń mártebesin joǵarlata otyryp, shet memleketterde ulttyq kúresimizden federaııalardy quryp, ashyp qana qoıa salmaı, olardyń tabandy jumys jasaýyn qadaǵalap, qoldaý kórsetip otyrýymyz kerek» degen prezıdentimiz Islam Álmaqanuly Ábishevtiń júıeli jumysynyń jemisi» – dep pikirin aıtqan bolatyn.
Rasymen de osydan 20-30 jyl buryn qazaq kúresiniń Eýropa arenalarynda atoı salaryn bilip, boljaý tek sóz júzinde bolsa, endi alashtyń armany oryndalyp kele jatqandyǵyna qýanbasqa bolmas. Endi, bes salmaq jáne absolıýttik aýyr salmaq dárejeleri boıynsha jeńis tuǵyryna kóterilgen chempıon palýandardyń esimderin aıtsaq. 70 kg salmaqta Serbııalyq Nıkola Galıch, 80 kg salmaqta ızraıldyq Dıma Kapınchıýk, 90 jáne 100 kg salmaqtarda Reseıdiń Qarashaı-Cherkesııa Respýblıkasynyń sportshysy Ramazan Tota men Andreı Gýsarev, +100 kg jáne túıe palýandar arasyndaǵy fınaldyq jekpe-jekte slovakııalyq Martın Anata chempıon atanyp, qoshemetke ıe boldy.
Osylaısha qazaq kúresinen tórtinshi Eýropa alamanynyń alǵashqy kúngi jekpe-jekteri aıaqtaldy. Endi bozkilem tórine áıelder alty salmaq dárejesi boıynsha kúsh synasatyn bolady. Burymdylar arasyndaǵy básekelerdiń nátıjelerin aldaǵy ýaqytta nazaralaryńyzǵa usynatyn bolamyz.
Aqyn ORDABAIULY,
Zrenıanın qalasy (Serbııa)
