قازاقستان تەننيسشىلەرى «ۋيمبلدون» ءتۋرنيرىن ءساتتى باستادى

تەننيستەن قازاقستان قۇراماسىنىڭ وكىلدەرى ۇلىبريتانيانىڭ لوندون قالاسىندا ءوتىپ جاتقان «ۋيمبلدون» ءتۋرنيرىنىڭ ىرىكتەۋ كەزەڭىن ءساتتى باستادى، دەپ حابارلادى olympic.kz.

ميحايل  كۋكۋشكين العاشقى اينالىمدا ۋكراينالىق ۆيتالي ساچكونى 6:3، 6:3 ەسەبىمەن جەڭدى. ونىڭ  ەندىگى قارسىلاسى – فرانتسيالىق بەندجامين بونزي.

دەنيس ەۆسەەۆ فرانتسيالىق ماتتەو مارتينودان 6:7، 6:2، 7:6 ەسەبىمەن باسىم ءتۇستى. ەندى ول ەكىنشى اينالىمدا فرانتسيانىڭ تاعى ءبىر تەننيسشىسى تيتۋان دروگەمەن كەزدەسەدى.

بەيبىت جۇقاەۆ ءوزىنىڭ العاشقى «ۋيمبلدون» دوداسىنداعى ويىنىندا اۆستريالىق يۋري روديونوۆتى جەڭدى. ول كەلەسى كەزەڭدە سەربيالىق حاماد مەدەدوۆيچپەن جولىعادى.

تيموفەي سكاتوۆ يتاليان اندرەا پەللەگرينونى جەڭىپ، سلوۆاكيالىق لۋكاش كلەينمەن كەزدەسەتىن بولدى.