Qazaq sporty — darııa, balalar sporty — bulaq

Jaratylǵan adamnyń balalyq qushaǵynda qanaty qataıady. Sporttyń da tabıǵaty  osyndaı. Balalar sporty irgetas, sony qalaý arqyly ulttyq sport qamaly boıyn tikteıdi. Muny oı eleginen ótkizip, áreketpen júzege asyrǵan eldiń sporty da ozyq. Keń qulash jaıǵan AQSh, Reseı, Qytaı, Germanııa, Japonııa syndy sport búrkitteri qyraǵyly sondaı áý bastan osy balalar sportyna ulttyq sporttyń órkendeýiniń kilti degen mán berip tastaǵan.

Jartasqa urǵylaǵan bulaqtaı Qazaqstan da kiltti kóre tura kóp izdedi. Áli de izdep keledi. BAQ-nyń máseleni kóterýi, ismer tulǵalardyń janashyrlyǵy arqasynda «Auyl sport – 2024» «Auyl football» jobalary quryldy. Oǵan «Halyq» qaıyrymdylyq qory muryndyq boldy.   Bul jobalardyń bas maqsaty el sportyn, onyń ınfraqurylymyn damytý.   Kómeıden tógiler sózge  oı túrtki. Oıdy qozǵaǵan joba jospary buǵan dálel.

«AÝYL FÝTBOLY» jobasy aıasynda:

• 100 aýyldyq jattyqtyrýshy ÝEFA sanatyndaǵy «D» biliktiligi boıynsha oqytyldy;
• 100 aýyldyq balalar komandasy jattyǵý quraldarymen qamtamasyz etildi;
• Jattyqtyrýshylar men menedjerler – SMM kýrsyn aıaqtady;
• Jattyqtyrýshylar men menedjerler «Sport sekııalaryn jan basyna shaqqandaǵy qarjylandyrý» (ARTSport) memlekettik baǵdarlamasy aıasynda jumys isteý boıynsha segiz saǵattyq kýrstan ótti;
• Eń belsendi jattyqtyrýshylar men menedjerler aldaǵy ýaqytta «Fýtboldy basqarý» 20 saǵattyq kýrsynan ótedi;
• Qarǵaly aýylyndaǵy BAQSY dene shynyqtyrý-saýyqtyrý kesheni bazasynda Aýyl Fýtbol ulttyq quramasynyń úsh jattyǵý nysany saqadaı saı tur» dep habarlady Halyk qaıyrymdylyq qory.

«AUYL SPORT» jobasynyń maqsaty:

• Aýyldyq eldimekenderdegi sportty damytý;
• Aýyldaǵy jattyqtyrýshylardyń biliktiligin arttyrý;
• Aýyldyq jerlerdegi balalardy sportqa tartý;
• Buqaralyq sportty nasıhattaý;

Joba 6 negizgi sport túrin qamtıdy: boks, kúres, karate, basketbol, voleıbol jáne shahmat. Jas ereksheligi 8-14 jas.

Másele isti bitirgen de emes, bastaǵan da demeýshi me edi Abaı. Mine, aqyry el bop, bas bolyp, táýekel dep jumyla kiristik. Bu jolda bastamaǵa el bop artynyp-tartynyp judyryqtaı  jumyla túskenimiz jaqsylyqtyń nyshany da.  Oıyma tuzdyq Qazaq sport jáne týrızm akademııasynyń Tárbıe jáne sporttyq jumys prorektory Muhtar Esqalıevtiń sózi. «Álemdi baǵyndyryp júrgen júldegerlerdiń kópshiligi aýyldan shyqqan. Jobaǵa barlyǵy atsalysady. Akademııanyń professorlyq oqytýshylar quramy da jobanyń damýyna úles qosady»

Qazaq Abaıynyń oıynan is bastasa, Qadyr Myrza Áliniń másele isti bastaǵan men bitirý qıyn degenin este ustasa ıgi. Jeńis- táýekel dep bas suǵý. Uly jeńis- táýekel kemesin jaǵaǵa jetkizý.

Qazaq sporty—darııa. Balalar sporty—bulaq. Bulaqtardyń bári de Qazaq sporty darııasyna quıa bersin! Quıa bersin!

Dilnaz BIShER

ALMATY