SportPress.kz Qazaqstan sport jańalyqtary
Týrızm jáne sport mınıstri Erbol Myrzabosynovtyń qatysýymen Qazaqstan jeńil atletıka federaııasynyń 2024 jyldy qorytyndylaý jıyny ótti, dep habarlady Týrızm jáne sport mınıstrligi.
Oǵan jeńil atletıka federaııasynyń prezıdenti Danıal Ahmetov, oblystyq federaııanyń basshylary, sportshylar men federaııa ókilderi qatysty.
Jıynda Danıal Ahmetov federaııanyń atqarǵan jumysy týraly esep berip, sporttaǵy birqatar mańyzdy jetistikterin atap ótti. Onyń ishinde, halyqaralyq jarystarda qazaqstandyq atletter kórsetken joǵary nátıjeler men jeńister, sondaı-aq jeńil atletıkanyń damýyna baǵyttalǵan jańa bastamalar aıtyldy.
Otyrysta Danıal Ahmetov óz qyzmetin merziminen buryn toqtatatynyn málimdep, federaııa prezıdenttigine dańqty jeńil atlet, London Olımpıadasynyń chempıony Olga Rypakovanyń kandıdatýrasyn usyndy. Jıynǵa qatysýshylar, sonyń ishinde oblys federaııalarynyń basshylyǵy men sport qaýymdastyǵy O.Rypakovanyń kandıdatýrasyn biraýyzdan qoldady.
Mınıstr Erbol Myrzabosynov jeńil atletıka federaııasyn birneshe jyl basqarǵan Danıal Ahmetovke jemisti qyzmeti úshin alǵys bildirip, prezıdenttikke taǵaıyndalǵan Olga Rypakovanyń qyzmetine sáttilik tiledi.
Jeńil atletıka – eldegi eń tanymal sport túrleriniń biri. Qazirgi tańda 360 myńnan astam otandasymyz dál osy sport túrimen kásibı túrde aınalysady. Sondyqtan biz bul sportty jańa deńgeıge kóterip, onyń halyqaralyq arenada tanymaldylyǵyn arttyrýymyz qajet. Búgingi jıynda federaııanyń jumysyna qatysty mańyzdy ózgerister bolyp jatyr. Federaııany birneshe jyl basqarǵan Danıal Ahmetov qyzmetinen ketip jatyr. Oǵan atqarǵan jumysy úshin alǵys bildiremin. Danıal Kenjetaıulynyń basshylyǵymen bizdiń atletter halyqaralyq jarystarda úlken jetistikterge jetti. Endi federaııa prezıdenttigine Olımpıada chempıony Olga Rypakova kelip otyr. Olga Rypakovanyń otandyq jeńil atletıkanyń damýyna qosqan úlesi mol. Aldaǵy ýaqytta da elimizdiń jeńil atletıka sportyn bıikterge kóteredi dep senemiz, — dedi Erbol Myrzabosynov.
Jıyn sońynda mınıstr Olga Rypakovaǵa elimizdegi jeńil atletıka sportynyń halyqaralyq deńgeıdegi yntymaqtastyǵyn arttyrý, sportshylardyń daıyndyǵyna jáne rezervti daıarlaýǵa erekshe kóńil bólý qajettigin tapsyrdy.
Olga Rypakova úsh ret Olımpıada júldegeri atanǵan. 2012 jyly Londonda altyn, 2008 jyly Beıjińde kúmis, al 2016 jyly Rıo-de-Janeıroda qola medal jeńip alǵan.
