اۋىر اتلەتيكا فەدەراتسياسىنا جاڭا باسشى كەلدى

تۋريزم جانە سپورت ءمينيسترى ەربول مىرزابوسىنوۆتىڭ قاتىسۋىمەن قازاقستان اۋىر اتلەتيكا فەدەراتسياسىنىڭ ەسەپ بەرۋ كونفەرەنتسياسى ءوتتى، دەپ حابارلادى تۋريزم جانە سپورت مينيسترلىگى.

ءىس-شارادا فەدەراتسيانىڭ الداعى كەزەڭدەگى جوسپارلارى مەن دامۋ ستراتەگيالارى تالقىلاندى.

قازاقستان اۋىر اتلەتيكا فەدەراتسياسىنىڭ باس حاتشىسى مادينا استاميروۆا فەدەراتسيانىڭ اتقارعان جۇمىسى تۋرالى ەسەپ بەرىپ، سالاداعى بىرقاتار ماڭىزدى جەتىستىكتەرىن اتاپ ءوتتى. ول ەلىمىزدىڭ اۋىر اتلەتيكا سالاسىندا حالىقارالىق ارەنادا قول جەتكىزىلگەن جەڭىستەرى مەن سپورتشىلاردىڭ دايىندىعى تۋرالى ايتىپ، سپورت ينفراقۇرىلىمىنىڭ جاقسارۋىنا باعىتتالعان باستامالارىن دا تىلگە تيەك ەتتى.

جيىندا قازاقستان اۋىر اتلەتيكا فەدەراتسياسىنىڭ پرەزيدەنتى جانات تۇسىپبەكوۆ ءوز قىزمەتىن مەرزىمىنەن بۇرىن توقتاتاتىنىن مالىمدەپ، فەدەراتسيا پرەزيدەنتتىگىنە گادجي گادجيەۆتىڭ كانديداتۋراسىن ۇسىندى. جيىنعا قاتىسۋشىلار، سونىڭ ىشىندە وبلىس فەدەراتسيالارىنىڭ باسشىلارى مەن سپورت قاۋىمداستىعى گ.گادجيەۆتىڭ كانديداتۋراسىن ءبىراۋىزدان قولدادى.
مينيستر ەربول مىرزابوسىنوۆ اۋىر اتلەتيكا فەدەراتسياسىن ون جىلعا جۋىق باسقارعان جانات تۇسىپبەكوۆكە جەمىستى قىزمەتى ءۇشىن العىس ءبىلدىرىپ، جاڭا باسشى گادجي گادجيەۆكە ساتتىلىك تىلەدى.

اۋىر اتلەتيكا حالىق اراسىندا كەڭىنەن تانىمال. ويتكەنى قازاقستاندىق سپورتشىلاردىڭ حالىقارالىق ارەناداعى جەتىستىكتەرى ەل ىشىندە سپورتتىڭ وسى تۇرىنە دەگەن قىزىعۋشىلىقتى ارتتىرۋدا جانە دامىتۋدا ماڭىزدى ءرول اتقارادى. قۇرامانىڭ حالىقارالىق ارەنالارداعى جەتىستىكتەرى سپورتشىلارىمىزدىڭ جوعارى الەۋەتىن جانە ەلىمىزدە سپورتتىڭ وسى ءتۇرىنىڭ تۇراقتى دامۋىن كورسەتەدى. وسى ورايدا، جانات تۇسىپبەكوۆكە تۋريزم جانە سپورت مينيسترلىگى اتىنان ەلىمىزدە اۋىر اتلەتيكانىڭ دامۋىنا قوسقان ۇلەسى ءۇشىن العىس بىلدىرەمىن. اۋىر اتلەتيكا فەدەراتسياسىن باسقارعان ون جىلدان استام ۋاقىتتا ءبىزدىڭ سپورتشىلار تالاي جەتىستىككە جەتتى. سونداي-اق فەدەراتسيانىڭ پرەزيدەنتى بولىپ سايلانعان گادجي گادجيەۆتىڭ الداعى جۇمىسىنا ساتتىلىك تىلەيمىن. اۋىر اتلەتيكا بۇرىنعى بيىگىنە قايتا شىعاراتىنىنا، سپورتشىلاردى جان-جاقتى قولداۋ ءداستۇرى جالعاساتىنىنا سەنىمدىمىن جانە بىرلەسكەن كۇش-جىگەرمەن جاڭا بيىكتەرگە جەتەمىز، – دەپ اتاپ ءوتتى ەربول مىرزابوسىنوۆ.