SportPress.kz قازاقستان سپورت جاڭالىقتارى
7-14 اقپان ارالىعىندا قىتايدىڭ حاربين قالاسىندا وتەتىن IX قىسقى ازيا ويىندارىنا قۇرلىقتاعى 34 ۇلتتىق وليمپيادا كوميتەتىنىڭ ساپىندا 1275 سپورتشى جينالادى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.
ازيا وليمپيادا كەڭەسىنىڭ مالەمەتىنە قاراعاندا، بۇل قىسقى ويىندار اراسىنداعى رەكورد. ساۋد ارابياسى مەن كامبودجا العاش رەت قىسقى سپورتتان قاتىسادى. وسىعان دەيىنگى جاپونيانىڭ ساپپورو قالاسىندا جالاۋى جەلبىرەگەن جارىستا قۇرلىقتاعى 30 ەل جانە تىنىق مۇحيتى ايماعىنان اۋستراليا مەن جاڭا زەلانديانى قوسقاندا 32 كوميتەت تىركەلگەن. ال سپورتشىلار سانى 1 147 بولعان. اراعا 8 جىل سالىپ، حاربيندە ولاردىڭ سانى 128 اتلەتكە كوبەيەدى.
ايتا كەتەيىك، 1 275 سپورتشىنىڭ 755-ءى ەر، 520-سى ايەل. ولاردىڭ 847-ءسى مۇز ايدىنىنداعى جارىستاردا كۇش سىناسادى. ال قالعان 428-ءى بياتلون، شاڭعى جارىسى سىندى يابۋلي قالاسىندا وتەتىن قار سپورتىندا كىم مىقتىنى انىقتايدى.
تاعى ءبىر اقپارات، IX قىسقى ازيا ويىندارىندا 32 جۇلدە جيىنتىعى حاربيندەگى مۇز ايدىنىنداعى سىندا، قالعان 32 التىن مەدال يەگەرى يابۋليدە بەلگىلى بولادى.
ەسكە سالا كەتەيىك، ازيا وليمپيادا كەڭەسىنىڭ قۇرامىنا بارلىعى 45 ۇلتتىق وليمپيادا كوميتەتى مۇشە. ۇيىمنىڭ باس كەڭسەسى كۋۆەيت استاناسىندا.
