Астанада күрес түрлерінен Қазақстан кубогы басталды (ФОТО)

24–30 мамыр аралығында Астанадағы «Qazaqstan» жеңіл атлетикалық спорт кешенінде (Тұран даңғылы, 59) ересектер арасында грек-рим, еркін және әйелдер күресінен Қазақстан кубогы өз жалауын көтерді, деп хабарлады Грек-рим, еркін және әйелдер күресі федерациясы.

24 мамырда дүбірлі дода салтанатты ашылу рәсімімен басталып, сол күні-ақ еркін күрестен 57, 65, 86, 97 және 125 кг салмақ дәрежелеріндегі балуандар бозкілемге шықты.

25 мамырда финалдық белдесулерге жолдама алған балуандар анықталды. Міне, шешуші жекпе-жекке жолдама алған үздіктер:

57 кг:

Әділет Әлмұхамедов — Абзал Окенов

65 кг:

Мейрамбек Қартбай — Начын Куулар

86 кг:

Нұржан Исағалиев — Болат Сакаев

97 кг :

Бекзат Үркімбай — Рустам Экажев

125 кг:

Нұрсұлтан Азов — Әлішер Ерғали

Финалдық белдесулер 25 мамырда сағат 18:00-де басталады.

Сол күні бозкілемге тағы да еркін күрестің үздік балуандары шығады. 61, 70, 74, 79 және 92 келі салмақ дәрежелерінде тартысты белдесулер болады делінуде.