Jasóspirimder taekvondodan Avstrııadaǵy týrnırde tórt júlde aldy

Avstrııada taekvondodan (WT) AustrianOpen týrnıri aıasynda jasóspirimder men jastar arasynda jarystar boldy, dep habarlady Qazaqstan taekvondo federaııasy.

Bul týrnırde Qazaqstan jasóspirimder men jastar quramasy 1 altyn, 3 qola júlde jeńip aldy.

El quramasynan Mıras Pazylov (33 kg) jeńis tuǵyryna kóterilse, Ralıf Sazazov (49 kg), Álıhan О́miráli (57 kg) men Aıgerim Bekjanqyzy (68 kg) qola medalge ıe boldy.

Sondaı-aq elimizdiń eresekter quramasy atalǵan halyqaralyq jarysqa qatysady.

Halyqaralyq jarysta el quramasy sapynda Azıza Qarajanova (53 kg), Aıdana Súndetbaı (53 kg), ⁠Marııa Sevostıanova (57 kg), ⁠Kamıla Aımuqasheva (62 kg) jarys jolyna shyǵady.

Sondaı-aq ⁠Bekzod Qadyrqulov (54 kg), Artýr Serik (54 kg), Izıat Kasanov (63 kg), Bekasyl Ergesh (74 kg), Mereı Málik (74 kg), ⁠Mergen Ganıev (80 kg), ⁠Meıir Nurǵazın (87 kg), Nurqanat Qojahmet (87 kg), ⁠Beıbarys Qablan (87 keliden asa), ⁠Baýyrjan Hasenov (87 keliden asa) el namysyn qorǵaıdy.