Talǵarda KFF Academy by International Airport ǵımaratynyń qurylysy bastaldy

Almaty oblysy Talǵar qalasynda halyqaralyq FIFA standartyna saı KFF Academy by Almaty International Airport ǵımaratynyń irgetasyn qalaý rásimi boldy, dep habarlady Qazaqstan fýtbol federaııasy.

Joba Qazaqstan fýtbol federaııasynyń bastamasymen, Almaty halyqaralyq áýejaıynyń qarjylyq qoldaýymen iske asyrylyp otyr.

Saltanatty is-sharada alǵashqy quttyqtaý sózdi TAV Airports Holding bas dırektory Serkan Kaptan aıtty. Ol kompanııanyń bul jobaǵa qatysýy áleýmettik jaýapkershilikpen ǵana shektelmeıtinin, joba kompanııanyń ornyqty damýynda strategııalyq mańyzǵa ıe ekenin atap ótti.

TAV Airports Holding úshin turaqty damý qundylyqtary jaýapkershilikke, qoǵammen tyǵyz baılanys ornatýǵa jáne bıznesten bólek maqsattarǵa umtylýǵa negizdelgen. Biz úshin korporatıvtik áleýmettik jaýapkershilik – jaı ǵana nárse emes, ol qyzmetimizdiń negizi. Jastardyń damýyna jáne qoǵamnyń ıgiligine baǵyttalǵan bastamalardy qoldaý – bizdiń strategııamyz ben is-áreketimizdi aıqyndaıtyn qundylyq, – dedi S. Kaptan.

Akademııanyń qurylysy – kezekti sporttyq joba ǵana emes. Bul – adamı kapıtalǵa, balalardyń bolashaǵy men sport áleýetin arttyrýǵa baǵyttalǵan uzaq merzimdi ınvestıııa. Munda jas talanttardy anyqtap, olardy damytýǵa júıeli negiz qalyptastyryp, kásibı daıyndyqpen qatar, onda turýǵa, bilim alýǵa jáne fýtbol qaýymdastyǵyna beıimdelýge qajetti jaǵdaı jasalady.

Qazaqstan fýtbol federaııasynyń prezıdenti Marat Omarovtyń aıtýynsha, akademııada jas fýtbolshylarǵa júıeli túrde zamanaýı fýtbol talaptaryna saı daıyndalýǵa barlyq jaǵdaı jasalady. Joba – balalar men jasóspirimder sportyn damytýdaǵy mańyzdy qadam.

Búgin irgetasy qalanǵan fýtbol akademııasy – Qazaqstan fýtbol federaııasynyń aýqymdy jáne strategııalyq mańyzy zor alǵashqy jobasy. Ol elimizdegi jas fýtbolshylardy daıarlaý júıesin ózgertip, jańa kózqaraspen qaraýǵa múmkindik beredi, – dedi QFF prezıdenti Marat Omarov.

Qurmetti qonaqtardyń sózinen soń, akademııanyń irgetasyn qalaý rásimi saltanatty túrde jarııalandy. Is-sharada joba basshylyǵy fýtbol dobyna qoltańbalaryn qoıyp, ony jas sportshylarǵa tabys etti.

Akademııanyń jalpy aýmaǵy – 5 520 sharshy metr. Ol úsh negizgi bloktan turady: sporttyq, ákimshilik-turmystyq jáne jataqhana.

Sporttyq blokta jabyq fýtbol zaly, jalpy dene daıyndyǵy zaly, qalpyna kelý basseınderi, kıim aýystyratyn jáne qyzmettik bólmeler bolady. Ákimshilik-turmystyq blokqa jattyqtyrýshy kabınetteri, medıınalyq jáne ońaltý bólmeleri, konferen-zal, ashana jáne tehnıkalyq bólmeler ornalasady. Al tórt qabatty jataqhanada oqýshylar men qyzmetkerlerge arnalǵan bólmeler, demalys jáne jeke daıyndyq oryndary bar.

KFF Academy by Almaty International Airport – balalar men jasóspirimder fýtbolyn damytý júıesin nyǵaıtý jolyndaǵy mańyzdy qadam. Bul jańa býyn sportshylaryn daıarlaýǵa arnalǵan turaqty ınfraqurylymdy qalyptastyrý jumystarynyń bastamasy. Akademııa áriptestik qarym-qatynas pen tájirıbeni ushtastyrǵan el sportyn jetildirýdegi sapaly ári júıeli kózqarastyń úlgisine aınalmaq.