جاس تەننيسشىلەر قىرعىزستانداعى تۋرنيردە ۇزدىك شىقتى

قىرعىزستاننىڭ شولپان-اتا قالاسىندا 18 جاسقا دەيىنگى جاستار اراسىندا تەننيستەن ITF Juniors J30 ءتۋرنيرى اياقتالدى، دەپ حابارلادى قازاقستان تەننيس فەدەراتسياسى.

بوزبالالار اراسىندا دانيەل يۋرەكلي فينالدا امەريكالىق ارۋشا كوتەنى 6:2، 6:1، 6:3 ەسەبىمەن جەڭدى.

بۇل — دانيەلدىڭ ITF Juniors جارىسىنداعى العاشقى تيتۋلى.
سونداي-اق روديون لۋكاشوۆ پەن تيمۋر ساۋلەنكو جۇپتىق سىندا ۇزدىك شىقتى. ولار سوڭعى باسەكەدە جەرگىلىكتى تەننيسشىلەر داۆيد موگيلەۆسكي مەن نيكيتا كلەتتسوۆتان 4:6، 6:3، 10:4 ەسەبىمەن باسىم ءتۇستى.

قىزدار اراسىندا سابينا شۋحراتوۆا فينالدا عانا قىرعىزستاندىق سابينا حايبراحمانوۆاعا ەسە جىبەردى. ەسەپ — 2:6، 1:6. ال جۇپتىق سىندا سافينا سافيۋللينا مەن يانا شتودا رەسەيلىك سوفيا باحارەۆا مەن سوفيا شاريپوۆانى 6:7 (1:7)، 7:6 (7:5)، 10:4 ەسەبىمەن جەڭدى.