قازاقستان تاەكۆوندوشىلارى وڭتۇستىك كورەيادا التى مەدال جەڭىپ الدى

تاەكۆوندودان وڭتۇستىك كورەيانىڭ مۋدجۋ قالاسىندا ءوتىپ جاتقان World Taekwondo Diamond Game 2025 G-4 تۋرنيرىندە قازاقستان قۇراماسى التى مەدال جەڭىپ الدى. ۇلتتىق قۇراما ارالاس كوماندالىق سايىستا فينالعا دەيىن جەتتى. الايدا شەشۋشى جەكپە-جەكتە وزبەكستاننىڭ B قۇراماسىنان 0:2 ەسەبىمەن جەڭىلىپ، كۇمىس مەدالءدى قاناعات تۇتتى.

ۇلتتىق وليمپيادالىق كوميتەتىنىڭ حابارلاۋىنشا، قۇراما ساپىندا مەرگەن عانيەۆ، ابدۋراحمون ماريپوۆ، كاميلا ايمۇقاشەۆا مەن ايدا تاۋكەنوۆا ەل نامىسىن قورعادى.

سونىمەن بىرگە قازاقستان قۇراماسى جەكەلەي سايىستا دا جۇلدەلى ورىنداردان كورىندى.

بەكاسىل ەرگەش (80 كەلىگە دەيىن) مەن اياۋلىم اسقار (67 كەلىگە دەيىن) كۇمىس جۇلدەنى السا، نۇربەك عازەز (68 كەلىگە دەيىن) مەن الميرا قانات (57 كەلىگە دەيىن) قولا مەدال يەلەندى، — دەلىنگەن حابارلامادا.

وسىلايشا، قازاقستان قۇراماسىنىڭ قورجىنىندا التى مەدال بار. بۇعان دەيىن قازاقستان ايەلدەر قۇراماسى كۇمىس مەدالعا يە بولعان ەدى.

داستان كەنجالين،

استانا