Qazaqstan taekvondoshylary Ońtústik Koreıada alty medal jeńip aldy

Taekvondodan Ońtústik Koreıanyń Mýdjý qalasynda ótip jatqan World Taekwondo Diamond Game 2025 G-4 týrnırinde Qazaqstan quramasy alty medal jeńip aldy. Ulttyq qurama aralas komandalyq saıysta fınalǵa deıin jetti. Alaıda sheshýshi jekpe-jekte О́zbekstannyń B quramasynan 0:2 esebimen jeńilip, kúmis medaldi qanaǵat tutty.

Ulttyq Olımpıadalyq komıtetiniń habarlaýynsha, qurama sapynda Mergen Ǵanıev, Abdýrahmon Marıpov, Kamıla Aımuqasheva men Aıda Táýkenova el namysyn qorǵady.

Sonymen birge Qazaqstan quramasy jekeleı saıysta da júldeli oryndardan kórindi.

Bekasyl Ergesh (80 kelige deıin) men Aıaýlym Asqar (67 kelige deıin) kúmis júldeni alsa, Nurbek Ǵazez (68 kelige deıin) men Almıra Qanat (57 kelige deıin) qola medal ıelendi, — delingen habarlamada.

Osylaısha, Qazaqstan quramasynyń qorjynynda alty medal bar. Buǵan deıin Qazaqstan áıelder quramasy kúmis medalǵa ıe bolǵan edi.

Dastan KENJALIN,

ASTANA