Bokstan bıylǵy jasóspirimder arasyndaǵy Azııa oıyndarynyń salmaq dárejeleri bekitildi

Bıyl Bahreınde jasóspirimder arasyndaǵy Azııa oıyndary jalaýyn kóteredi. Osy dúrmekti dodanyń aldynda boks jekpe-jekteriniń salmaq dárejeleri resmı túrde bekitildi.

Qazaqstan boks federaııasynyń málimetine qaraǵanda, jekpe-jekter Exhibition World Bahrain kórme ortalyǵynda bolady. Oǵan 2009–2010 jyly týǵan uldar men qyzdar qatysyp, 14 salmaq dárejesinde júldelerdi sarapqa salady.

Uldar: 46 keli, 50 keli, 54 keli, 60 keli, 66 kelige 75 kelige deıin jáne 80 keliden asa salmaq;

Qyzdar: 46 keli, 50 keli, 54 keli, 60 keli, 66 keli, 75 kelige deıin jáne 80 keliden asa salmaq.

Jekpe-jekter úsh raýndtan turady. Ár raýnd eki mınýtqa sozylady. Raýndtar arasynda bir mınýttyq úzilis bolady. Jeńimpazdardy anyqtaý úshin Asian Boxing pen Azııa Olımpıadalyq keńesi maquldaǵan elektrondy upaı sanaý júıesi qoldanylady.

Bastapqyda boks Azııa oıyndarynyń baǵdarlamasyna engizilmegen edi. Alaıda World Boxing Olımpıadalyq komıssııasynyń tóraǵasy, Qazaqstan Ulttyq Olımpıadalyq komıtetiniń prezıdenti Gennadıı Golovkınniń bastamasymen bul sport túrin tizimge qosý týraly sheshim qabyldandy. Bul usynys aımaqta da, sondaı-aq Azııa Olımpıadalyq keńesi men Asian Boxing tarapynan da qoldaý tapty, — delingen habarlamada.

Jasóspirimder arasyndaǵy Azııa oıyndary 2025 jyldyń 22-31 qazan aralyǵynda bolady.  Jarystar 24 sport túrinen uıymdastyrylyp, 5000-nan astam sportshy baq synaıdy.

Dastan KENJALIN,

ASTANA