SportPress.kz قازاقستان سپورت جاڭالىقتارى
«حان-ءتاڭىرى» كلۋبىنىڭ شابۋىلشىسى دياس تولەۋ كوز جۇمدى، دەپ حابارلادى قازاقستان فۋتبول فەدەراتسياسى.
-قازاقستان فۋتبول فەدەراتسياسى «حان-ءتاڭىرى» كلۋبىنىڭ شابۋىلشىسى دياس تولەۋدىڭ مەزگىلسىز دۇنيەدەن وتكەنىن قايعىرىپ قابىل الدى. جاستىعىنا قاراماستان، فۋتبولعا دەگەن ىنتاسى مەن تالانتى ارقىلى كوزگە تۇسكەن دياستىڭ ومىردەن ەرتە كەتۋى ورنى تولماس قازا. بۇل اۋىر ساتتە ونىڭ وتباسىنىڭ، جاقىندارىنىڭ جانە كومانداسىنىڭ قايعىسىنا ورتاقتاسامىز. قفف دياستىڭ اتا-اناسىنا، تۋىستارىنا جانە بارشا جاقىندارىنا شىن جۇرەكتەن قايعىرىپ كوڭىل ايتادى، — دەلىنگەن حابارلامادا.
سونداي-اق، حابارلامادا جاقىن ارادا وسى وقيعاعا بايلانىستى رەسمي تەرگەۋ جۇرگىزۋ ءۇشىن ارنايى كوميسسيا قۇرىلاتىنى جانە ول ءتيىستى ورگاندارمەن بىرلەسە جۇمىس ىستەيتىنى ايتىلعان.
-فەدەراتسيا بۇقارالىق اقپارات قۇرالدارى وكىلدەرى مەن الەۋمەتتىك جەلى قولدانۋشىلارىنان راستالماعان اقپارات پەن الىپقاشپا اڭگىمەلەردى تاراتپاۋعا، مارقۇمنىڭ وتباسى مەن ونىڭ رۋحىنا قۇرمەتپەن قاراۋعا شاقىرادى، — دەلىنگەن ودان ءارى قفف حابارلاماسىندا.
قوسىمشا اقپارات قاجەتتى راسىمدەر اياقتالعاننان كەيىن بەرىلەدى دەلىنگەن.
