SportPress.kz Qazaqstan sport jańalyqtary
Búgin Túrkistan qalasynda Qazaq Kuresi assoıaııasy, Túrkistan oblystyq dene shynyqtyrý jáne sport basqarmasy men oblystyq qazaq kúresi federaııasynyń uıymdastyrýymen tól kúresimizden Azııa chempıonaty jalaýyn jelbiretti.
Áýeli saryqurlyq dodasy bastalmas buryn qazaq kúresiniń damýyna serpin beretin mańyzdy jıyn – Qazaq Kuresi assoıaııasy Atqarýshy komıtetiniń otyrysy ótti. Osy alqaly jıynda Azııalyq Qazaq Kuresi assoıaııasyn qurylǵany týraly habar jarııalanyp, onyń prezıdenti saılanǵannan keıin Túrkistanda salynǵan sý jańa Olympic center sport ordasynda Azııa chempıonaty saltanatty jaǵdaıda ashyldy.
Onyń ashylý rásiminen soń balýandardyń beldesýleri bastalyp ketti. Jalpy, bıylǵy dúbirli dodaǵa Azııanyń 12 elinen kelgen 150-ge jýyq sportshy qatysyp jatyr. Olardyń jartysy búgin Olympic center sport ordasyna jaıylǵan bozkilemde 8 salmaq dárejesi boıynsha synǵa tústi. Atap aıtqanda erler 55, 66, 82 jáne 100 keliden asa salmaqta kúresse, áıelder 48, 56, 65 jáne 77 kg salmaq dárejesinde kilemge shyqty.
Bul beldesýlerde erler arasyndaǵy barlyq salmaqta qazaq jigitteri qarsylastarynyń jaýyrynyn jerge tıgizip, Azııa chempıony atandy. 55 kelide Arhat Baımýrzın, 66 kg salmaqta Nurǵalı Tursynǵazıev qurmet tuǵyrynyń eń bıik satysyna kóterilse, 82 kelide Asylhan Kárim men túıe balýan Erqanat Moldaǵalıevke teń keler balýan bolmady.
Erler kúresinde Qyrǵyzstan, О́zbekstan men Iran eliniń sańlaqtary jaman nátıje kórsetken joq. Olar tórt salmaqta júlde alyp qaldy. Mysaly, Alataýdyń ar jaǵynan kelgen aǵaıyndar 2 kúmis jáne 1 qola medaldi ıelense, О́zbekstan quramasynyń tórt ókili qola júldeni qanaǵat tutty. «Úshtiń ózi kúsh» demekshi, 150-den asa balýannyń arasynan úzdik úshtikke kirýdiń ózi biz aıtaıyq, jaman kórsetkish emes.
Parsy shyǵanaǵynan kelgen eki balýan 82 jáne asa aýyr salmaqta ekinshi orynǵa ıe boldy. Ekeýi de altyn júlde úshin aıanbaı kúresip, bozkilemde ter tókti. Alaıda, bul joly olardyń joly bolmady.
Áıelder kúresi de qyzyqty jáne tartysty ótti. Bul synda da qazaq, ózbek, qyrǵyz jáne úndi qyzdary ózge elderden kelgen qarsylastarynyń aldy bolyp, tórt salmaqtaǵy júldeniń bárin bólisip aldy.
48 kelide otandasymyz Aıdana Qasenqyzy ózbekstandyq Mýhabbat Iokýbovany jeńse, úshinshi oryn Qyrǵyzstannyń sportshysy Aıman Abdrashıtovaǵa buıyrdy.
56 kg salmaqta О́zbekstannyń ókili Nozıgýl Holmırzaeva bozkilem ıesi Aqnur Asylbekovamen kúreste altyn medaldi jeńip aldy. Al qola júldeni úndi Archı Pahrot ıelendi.
65 kelide taǵy bir ózbek sportshysy Mýslımahon Ahmedova altyn júldeni qaltasyna basty. Ol da taǵy bir otandasymyz Uldana Tańjaryqovany qapyda qaldyryp, Azııa chempıony atandy. Úshinshi orynǵa kelsek, bul júldege úndi Hýshı Tıagı ıe boldy.
Kelesi, 77 keli salmaqta Qazaqstan komandasynan Arýjan Jandarbaıdyń joly boldy. Olaı deıtinimiz, onyń fınaldaǵy qarsylasy qyrǵyz sportshysy Adına Almazbekova altyn medaldi qoldan bergisi keletin balýan sııaqty bolyp kóringen joq. Ol da Azııa chempıony ataǵyn alýǵa bar kúsh-jigerin saldy. Degenmen Arýjan Jandarbaıdyń aılasyn asyryp, elimizge qyzdar arasyndaǵy kúreste ekinshi altyn júldeni alyp berdi.
Osylaısha, Azııa chempıonatynyń alǵashqy kúni el quramasynyń qorjynyna 6 altyn, 2 kúmis medal tústi.
Erteń, 29 qazanda erler 60, 74, 90, +100, al áıelder 52, 60, 70, +77 keli salmaq dárejesinde kúresedi.
Dastan KENJALIN,
TÚRKISTAN
