ەليزاۆەتا بەزرۋكوۆا تاعى دا ازيا چەمپيونى اتاعىن جەڭىپ الدى

ءۇندىستاننىڭ استاناسى دەلي قالاسىندا ءوتىپ جاتقان نىسانا كوزدەۋدەن ازيا چەمپيوناتىنىڭ شەشۋشى جارىس كۇنى قازاقستان قورجىنىنا التىن جانە كۇمىس جۇلدەلەر ءتۇستى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.

كىشى كاليبرلى ۆينتوۆكامەن 50 مەتردەن جاتىپ وق اتۋدا ۇلتتىق قۇراما كوماندانىڭ سپورتشىسى ەليزاۆەتا بەزرۋكوۆا التىننان القا تاقتى. وتانداسىمىز جارىستا 623.4 ۇپاي جينادى.

50 م، جاتىپ نىسانا كوزدەۋدەن جۇلدەگەرلەر:

1. ەليزاۆەتا بەزرۋكوۆا (قازاقستان)
2. سيفت كاۋر سامرا ء(ۇندىستان)
3. تەجاسۆاني ساۆانت ء(ۇندىستان)

وسى باعدارلامانىڭ كوماندالىق ەسەبىندە قازاقستان قۇراماسى (ەليزاۆەتا بەزرۋكوۆا، ارينا مالينوۆسكايا، سوفيا شۋلجەنكو) كۇمىس جۇلدەگەر اتاندى.

كوماندالىق ناتيجە:

1. ءۇندىستان (1862.9 بالل)
2. قازاقستان (1862.8 بالل)

سونىمەن قاتار جاسوسپىرىمدەر ساناتىنداعى بۇل ديستسيپلينادا قازاقستان ۇستەمدىك كورسەتتى. وتانداسىمىز توميريس امانوۆا التىننان القا تاقتى. ال داريا پونومارەنكو كۇمىس جۇلدەگە يە بولدى.

وسىعان دەيىن پاريج وليمپياداسىنىڭ قولا جۇلدەگەرى (ميكست) يسلام ساتپاەۆ 50 مەتردەن جاتىپ نىسانا كوزدەۋدە دەليدە ۇزدىك ناتيجە كورسەتىپ، كومانداعا كەزەكتى التىندى سىيلاعان.