Elızaveta Bezrýkova taǵy da Azııa chempıony ataǵyn jeńip aldy

Úndistannyń astanasy Delı qalasynda ótip jatqan nysana kózdeýden Azııa chempıonatynyń sheshýshi jarys kúni Qazaqstan qorjynyna altyn jáne kúmis júldeler tústi, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Kishi kalıbrli vıntovkamen 50 metrden jatyp oq atýda ulttyq qurama komandanyń sportshysy Elızaveta Bezrýkova altynnan alqa taqty. Otandasymyz jarysta 623.4 upaı jınady.

50 m, jatyp nysana kózdeýden júldegerler:

1. Elızaveta Bezrýkova (Qazaqstan)
2. Sıft Kaýr Samra (Úndistan)
3. Tejasvanı Savant (Úndistan)

Osy baǵdarlamanyń komandalyq esebinde Qazaqstan quramasy (Elızaveta Bezrýkova, Arına Malınovskaıa, Sofıa Shýljenko) kúmis júldeger atandy.

Komandalyq nátıje:

1. Úndistan (1862.9 ball)
2. Qazaqstan (1862.8 ball)

Sonymen qatar jasóspirimder sanatyndaǵy bul dısıplınada Qazaqstan ústemdik kórsetti. Otandasymyz Tomırıs Amanova altynnan alqa taqty. Al Darıa Ponomarenko kúmis júldege ıe boldy.

Osyǵan deıin Parıj Olımpıadasynyń qola júldegeri (mıkst) Islam Sátpaev 50 metrden jatyp nysana kózdeýde Delıde úzdik nátıje kórsetip, komandaǵa kezekti altyndy syılaǵan.