اۋىلداستىڭ اتى وزعان جارىس

شاعىن فۋتبولدان جىل سايىن الماتى وبلىسى، جامبىل اۋدانى، تەمىرجول اۋىلدىق وكرۋگىنە قاراستى  قازىبەك بەك اۋىلىندا ءدۇبىرلى جارىس ۇيىمداستىرىلىپ كەلەدى.

“بۇل جارىس وتەدى” دەگەن سىبىس ەستىلە سالا، “تويدىڭ بولعانىنا بولادىسى قىزىق”، – دەمەكشى  جامبىل اۋدانى مەن الماتى قالاسىنىڭ تەڭبىل دوپ شەبەرلەرى دايىندىقتارىن پىسىقتاپ، بەينەبىر حالىقارالىق جارىسقا  دايىندالاتىنداي ابىگەر كۇيدە بولادى. مىنە، بيىلعى الامان ويىندا جىلداعىدان دا تارتىسى كوڭىل—كۇيدە بولىپ ءوتتى.

بيىلعى جارىس جىر الىبى جامبىل بابامىزدىڭ تۋعانىنا 180 جىل تولۋىنا وراي ۇيىمدىستىرىلدى.  جارىستىڭ ۇيىمداستىرۋشىلارى سەرىك  ەسكەنە،  ازات مۇساەۆ، باعدات قۇدايبەرگەنوۆ پەن قانت يماناەۆ سەكىلدى  اۋىلدىڭ اتقامىنەر اۋىل سپورتىنا جاناشىر ازماتتارى بيىلعى جارىستىڭ دا جاقسى وتۋىنە بار جاعداي جاساعان ەكەن. توعىز جىلداي جالعاسىن ۇزبەي كەلە جاتقان بۇل تۋرنير اۋىل سپورتىنىڭ دامۋىنا زور ۇلەسىن قوسىپ، كوپتەگەن اۋىل تالانتتارىنىڭ توماعاسىن تۇرگەن بىرەگەي جارىستىڭ ءبىرى بولىپ كەلەدى.

نەگىزى ات توقىمىنداي قازىبەك بەك اۋىلىنىڭ جاستارىنىڭ ءبىر اتانىڭ بالاسىنداي ءبىر قولدىڭ سالاسىنداي  ۇيىمشىلدىعى، سپورتقا دەگەن قۇلشىنىستارى  تاڭ قالدىرماي قويمايدى. اياداي اۋىل تورىندەگى ورتا مەكتەپتىڭ جەرتولەسىندە جاسوپىرىمدەردى بوكسقا ۇيرەتىپ جۇرگەن باعدات قۇدايبەرگەنوۆتىڭ ايتۋىنشا، تالانتتى جاستار اۋىلدان كوپتەپ شىعىپ جاتىر ەكەن. ءتىپتى، وبلىستىق، رەسپۋبيكالىق جارىستاردا جۇلدە سالىپ جۇرگەندەرى بار كورىنەدى.

راسىمەندە التىن بەسىك اۋىلدا اۋىل بالالارىنىڭ اراسىندا دارىندى جاستار كوپتەپ شىعىپ جاتقانى ول داستۇرگە اينالعان ءۇردىس دەسە بولار. ويتكەنى، دارحان كوڭىل، ەرجۇرەك، نامىسى زور اۋىل بالالارىنىڭ كوپشىلىگى سپورتتىڭ بارلىق تۇرىندە ۇلتتىق قۇرامىنىڭ جەيدەسىن كيىپ، الەمدىك، وليمپيادالىق جارىستاردا  ەل نامىسىن ابىرويمەن قورعاپ جۇرگەندەرىن جاقسى بىلەمىز.

ءبىز كەلىپ باس سۇققان مەكتەپتىڭ جەرتولەسىندە سپورتشىلار قولتاڭبالارىن قالدىرىپتى. ولار بوكس زالىنىڭ قابىرعالارىنداعى سۋرەتتەردىقىلقالاممەن ءوز قولدارىمەن سالعان ەكەن. مىنە، تالانتتى بالا بارلىق جاعىنان تالانتتى دەگەن وسى بولار. سونىمەن جارىس الاڭىنا جينالعان 10 كوماندا ەكى توپقا ءبولىنىپ ويىندارىن باستاپ كەتتى.

جارىستىڭ سالتاناتتى اشىلۋىندا ءسوز العان اۋىلدىڭ اقساقالدار كوميتەتىنىڭ توراعاسى  ابدەن ەسپەروۆ قاريا قول جايىپ اق باتاسىن بەرسە، اۋىل اكىمى مارات ايبازوۆ  جارىسقا قاتىسۋشىلارعا جاراقاتسىز جاقسى ويىن ورنەگىن كورسەتۋدى تىلەدى. سوسىن جەڭىس ءۇشىن جەلپىنىپ تۇرعان جاس ورەندەر تارتىستى ويىندارىن قىزۋ باستاپ كەتتى.

الماتىدان ءبىز دە “قالامگەر” اتتى جۋرناليستەر كومانداسىن الىپ بارىپ ءدۇبىرلى الامانعا قوسقان بولاتىنبىز. ،،ا،، توبىندا ونەر كورسەتكەن ءبىزدىڭ “قالامگەر” كومانداسى ءتاپ-ءتاۋىر ونەر كورسەتىپ، جارتىلاي فينالعا دەيىن جەتتىك.

جارتىلاي فينالدا وسى ءتۋرنيردىڭ ەڭ ۇزدىك ءارى ۇلگىلى «اققاينار» كومانداسىنا جول بەرگەن ەدىك. ال ءۇشىنشى ورىن ءۇشىن قازىبەك اۋىلىنىڭ جاس تالانتتارىمەن كەزدەسىپ، “وكىنىشكە قاراي ءوز ۇيىندە قابىرعادا دا كومەككە كەلەدى”، – دەمەكشى، اۋىلداستارىنىڭ  ايعاي-شۋ قولداۋىمەن اۋىلدىڭ وقۋشى جاستارى جىگەرىنە جىگەر قوسىلىپ جەڭىستى ج ۇلىپ الىپ كەتتى. وعان وكىنۋ ەمەس كەرىسىنشى اۋىلدا ءوسىپ كەلە جاتقان  دارىندا جاسوسپىرىمدەردىڭ جەڭىسكە دەگەن  جىگەرى، نامىسى مەن ويىن جۇيەسىنە قىزىعا دا قۋانا قاراپ قالدىق. حوش، سونىمەن فينالدا وسى تۋرنيردە باس جۇلدەگە لايىقتى ۇجىمى  “ۇزىناعاش” كومانداسى مەن ءبىر رەت تە ويىندارىندا سۇرىنبەگەن “اققاينار”  كوماندالارى ءوزارا جەڭىمپازدى انىقتاۋعا شىقتى.

ەسكىلەسكەن جويقىن ويىندار الما-كەزەك شابۋىلدارعا ۇلاسىپ، تارتىستى ويىننىڭ كۋاسى بولدىق. دەگەنمەندە ،،شىن جۇيرىككە تۇساۋ جوق،، — دەمەكشى “اققاينار” كومانداسىنىڭ اسىعى الشىسىن ءتۇسىپ 3:0  ەسەبىمەن جەڭىسكە جەتىپ، ءتۋرنيردىڭ باس كۋبوگى مەن  قوماقتى تىگىلگەن قارجىمەن ماراپاتتالدى.

جارىس  سوڭىندا سونىمەن ءتۋرنيردىڭ ۇزدىك ويىنشىسى،ۇزدىك قاقپاشىسى، ۇزدىك قورعاۋشىسى نوميناتسيالارى بويىنشا قارجىلاي سىيلاقتار مەن ماقتاۋ قاعازدارى قۇرمەتپەن تابىس ەتىلدى. قۋانىشقا وراي ءبىزدىڭ “قالامگەر” كومانداسىنىڭ بەلدى ويىنشىسى، جاس تا بولسا تارتىستى ويىندارىمەن اۋىل كورەرمەندەرىنىڭ ىستىق ىقىلاسىنا بولەنگەن تورەبەك جارىستىڭ  ،،ۇزدىك قورعاۋشى،، اتاعىنا يە بولدى. وسىلايشا كۇن ۇزاق اۋىل تورىندە تارتىستى وتكەن الامان جارىس ءوز مارەسىنە جەتىپ، قاتىسۋشىلار ۇيلەرىنە كوڭىلدى-كۇيمەن تارقاستى.

فۋتبول — ول ۇلى ونەر. سپورتتىڭ تۇرلەرىنىڭ ىشىندەگى شوقتىعى بيىك تۇرعانى دا سول شىعار. اۋىلدا وسىنداي الامان تۋرنير وتكىزۋ ەكىنىڭ ءبىرىنىڭ قولىنان كەلە بەرمەسى انىق. كۇنى بويى اۋىل حالقىنا  شەكسىز قۋانىش، ۇلكەن مەرەكە سىيلاپ قانا قويماي، وسىنداي الاماندى اڭساپ جۇرگەن  تەڭبىل دوپ شەبەرلىرىنىڭ كەلىپ تەر توگىپ فۋتبولدان  ۇلكەن ءلاززات الۋىنىڭ ءوزى ءبىر جىلعا جەتەرلىك كۇش-قۋات، عانيبەت دەپ بىلەمىز. ءيا، كەلەسى جىلدارى دا اللا اماندىعىن بەرسە بۇل ءتۋرنيردىڭ كولەمى ءوسىپ، قاتىسۋشلىرادىڭ قاتارى كوبەيە تۇسپەك. ەندەشە، اۋىل تالانتارىن اشىپ، ۇلى دودالارعا شىعارىپ جاتقان ۇستاحانا سەكىلدى بۇل جارىستىڭ ومىرشەڭ بولۋىن تىلەپ اتتانىپ كەتتىك.

 

اقىن ورداباي ۇلى،

الماتى وبلىسى

جامبىل اۋدانى،

تەمىرجول اۋىلدىق وكرۋگىنە قاراستى قازىبەك بەك اۋىلى