Aýyldastyń aty ozǵan jarys

Shaǵyn fýtboldan jyl saıyn Almaty oblysy, Jambyl aýdany, Temirjol aýyldyq okrýgine qarasty  Qazybek bek aýylynda dúbirli jarys uıymdastyrylyp keledi.

“Bul jarys ótedi” degen sybys estile sala, “toıdyń bolǵanyna boladysy qyzyq”, – demekshi  Jambyl aýdany men Almaty qalasynyń teńbil dop sheberleri daıyndyqtaryn pysyqtap, beınebir halyqaralyq jarysqa  daıyndalatyndaı ábiger kúıde bolady. Mine, bıylǵy alaman oıynda jyldaǵydan da tartysy kóńil—kúıde bolyp ótti.

Bıylǵy jarys jyr alyby Jambyl babamyzdyń týǵanyna 180 jyl tolýyna oraı uıymdystyryldy.  Jarystyń uıymdastyrýshylary Serik  Eskene,  Azat Musaev, Baǵdat Qudaıbergenov pen Qant Imanaev sekildi  aýyldyń atqaminer aýyl sportyna janashyr azmattary bıylǵy jarystyń da jaqsy ótýine bar jaǵdaı jasaǵan eken. Toǵyz jyldaı jalǵasyn úzbeı kele jatqan bul týrnır aýyl sportynyń damýyna zor úlesin qosyp, kóptegen aýyl talanttarynyń tomaǵasyn túrgen biregeı jarystyń biri bolyp keledi.

Negizi at toqymyndaı Qazybek bek aýylynyń jastarynyń bir atanyń balasyndaı bir qoldyń salasyndaı  uıymshyldyǵy, sportqa degen qulshynystary  tań qaldyrmaı qoımaıdy. Aıadaı aýyl tórindegi orta mekteptiń jertólesinde jasópirimderdi boksqa úıretip júrgen Baǵdat Qudaıbergenovtiń aıtýynsha, talantty jastar aýyldan kóptep shyǵyp jatyr eken. Tipti, oblystyq, respýbıkalyq jarystarda júlde salyp júrgenderi bar kórinedi.

Rasymende altyn besik aýylda aýyl balalarynyń arasynda daryndy jastar kóptep shyǵyp jatqany ol dástúrge aınalǵan úrdis dese bolar. О́ıtkeni, darhan kóńil, erjúrek, namysy zor aýyl balalarynyń kópshiligi sporttyń barlyq túrinde ulttyq quramynyń jeıdesin kıip, álemdik, olımpıadalyq jarystarda  el namysyn abyroımen qorǵap júrgenderin jaqsy bilemiz.

Biz kelip bas suqqan mekteptiń jertólesinde sportshylar qoltańbalaryn qaldyrypty. Olar boks zalynyń qabyrǵalaryndaǵy sýretterdiqylqalammen óz qoldarymen salǵan eken. Mine, talantty bala barlyq jaǵynan talantty degen osy bolar. Sonymen jarys alańyna jınalǵan 10 komanda eki topqa bólinip oıyndaryn bastap ketti.

Jarystyń saltanatty ashylýynda sóz alǵan aýyldyń aqsaqaldar komıtetiniń tóraǵasy  Ábden Esperov qarııa qol jaıyp aq batasyn berse, aýyl ákimi Marat Aıbazov  jarysqa qatysýshylarǵa jaraqatsyz jaqsy oıyn órnegin kórsetýdi tiledi. Sosyn jeńis úshin jelpinip turǵan jas órender tartysty oıyndaryn qyzý bastap ketti.

Almatydan biz de “Qalamger” atty jýrnalıster komandasyn alyp baryp dúbirli alamanǵa qosqan bolatynbyz. ,,A,, tobynda óner kórsetken bizdiń “Qalamger” komandasy táp-táýir óner kórsetip, jartylaı fınalǵa deıin jettik.

Jartylaı fınalda osy týrnırdiń eń úzdik ári úlgili «Aqqaınar» komandasyna jol bergen edik. Al úshinshi oryn úshin Qazybek aýylynyń jas talanttarymen kezdesip, “ókinishke qaraı óz úıinde qabyrǵada da kómekke keledi”, – demekshi, aýyldastarynyń  aıǵaı-shý qoldaýymen aýyldyń oqýshy jastary jigerine jiger qosylyp jeńisti julyp alyp ketti. Oǵan ókiný emes kerisinshi aýylda ósip kele jatqan  darynda jasóspirimderdiń jeńiske degen  jigeri, namysy men oıyn júıesine qyzyǵa da qýana qarap qaldyq. Hosh, sonymen fınalda osy týrnırde bas júldege laıyqty ujymy  “Uzynaǵash” komandasy men bir ret te oıyndarynda súrinbegen “Aqqaınar”  komandalary ózara jeńimpazdy anyqtaýǵa shyqty.

eskilesken joıqyn oıyndar alma-kezek shabýyldarǵa ulasyp, tartysty oıynnyń kýási boldyq. Degenmende ,,shyn júırikke tusaý joq,, — demekshi “Aqqaınar” komandasynyń asyǵy alshysyn túsip 3:0  esebimen jeńiske jetip, týrnırdiń bas kýbogy men  qomaqty tigilgen qarjymen marapattaldy.

Jarys  sońynda sonymen týrnırdiń úzdik oıynshysy,úzdik qaqpashysy, úzdik qorǵaýshysy nomınaııalary boıynsha qarjylaı syılaqtar men maqtaý qaǵazdary qurmetpen tabys etildi. Qýanyshqa oraı bizdiń “Qalamger” komandasynyń beldi oıynshysy, jas ta bolsa tartysty oıyndarymen aýyl kórermenderiniń ystyq yqylasyna bólengen Tórebek jarystyń  ,,Úzdik qorǵaýshy,, ataǵyna ıe boldy. Osylaısha kún uzaq aýyl tórinde tartysty ótken alaman jarys óz máresine jetip, qatysýshylar úılerine kóńildi-kúımen tarqasty.

Fýtbol — ol uly óner. Sporttyń túrleriniń ishindegi shoqtyǵy bıik turǵany da sol shyǵar. Aýylda osyndaı alaman týrnır ótkizý ekiniń biriniń qolynan kele bermesi anyq. Kúni boıy aýyl halqyna  sheksiz qýanysh, úlken mereke syılap qana qoımaı, osyndaı alamandy ańsap júrgen  teńbil dop sheberliriniń kelip ter tógip fýtboldan  úlken lázzát alýynyń ózi bir jylǵa jeterlik kúsh-qýat, ǵanıbet dep bilemiz. Iá, kelesi jyldary da alla amandyǵyn berse bul týrnırdiń kólemi ósip, qatysýshlyradyń qatary kóbeıe túspek. Endeshe, aýyl talantaryn ashyp, uly dodalarǵa shyǵaryp jatqan ustahana sekildi bul jarystyń ómirsheń bolýyn tilep attanyp kettik.

 

Aqyn ORDABAIULY,

Almaty oblysy

Jambyl aýdany,

Temirjol aýyldyq okrýgine qarasty Qazybek bek aýyly