SportPress.kz قازاقستان سپورت جاڭالىقتارى
باكۋ قالاسىندا ازەربايجان رەسپۋبليكاسى جاستار جانە سپورت مينيسترلىگىنىڭ ۇيىمداستىرۋىمەن بۇقارالىق اقپارات قۇرالدارى وكىلدەرى اراسىندا ۇستەل تەننيسىنەن حالىقارالىق Baku Media Open-2026 ءتۋرنيرى بولدى.
وعان ازەربايجان، قازاقستان، تۇركيا مەن گرۋزيادان 50-گە جۋىق تانىمال باق وكىلدەرى قاتىستى، دەپ حابارلادى SportPress.kz.
قازاقستان اتىنان بەلگىلى سپورت ءجۋرناليسى، Beksports.kz پورتالىنىڭ باس رەداكتورى بەك تولەۋوۆ، «قازاقستان تاريحى» پورتالىنىڭ جەتەكشىسى التىنبەك قۇمىرزاق پەن تەلەجۋرناليست قىرمىزى جاندوس ەل نامىسىن قورعادى.
ءتۋرنيردىڭ قورىتىندىسى بويىنشا ايەلدەر اراسىنداعى جارىستا وتانداسىمىز قىرمىزى جاندوس قارسىلاستارىنا ەش مۇمكىندىك بەرمەي، جەڭىمپاز اتاندى. ول تۋرنيردە التى ويىن ويناپ، سونىڭ بارىندە ايقىن جەڭىسكە جەتىپ، التىن مەدالدى جەڭىپ الدى.
-بۇل مەن ءۇشىن ەرەكشە اسەرگە تولى جارىس بولدى. حالىقارالىق تۋرنيردە ەلىمىزدىڭ نامىسىن قورعاپ، قازاقستاننىڭ ءانۇرانىن شىرقاتۋ – ۇلكەن مارتەبە. قارسىلاستاردىڭ بارلىعى تاجىريبەلى ءارى مىقتى بولدى. سوندىقتان ءار ويىنعا بارىنشا جاۋاپكەرشىلىكپەن دايىندالدىم. وسىنداي دەڭگەيدەگى جارىستى ۇيىمداستىرعان ازەربايجان رەسپۋبليكاسى جاستار جانە سپورت مينيسترلىگىنە العىسىمدى بىلدىرەمىن. بۇل جەڭىس – تەك مەنىڭ عانا ەمەس، قازاقستان جۋرناليستەرىنىڭ ورتاق جەتىستىگى دەپ بىلەمىن، — دەدى ءتۋرنيردىڭ جەڭىمپازى قىرمىزى جاندوس.
قازاقستان جۋرناليستەرىنىڭ حالىقارالىق دوداداعى جەڭىسى ەلىمىزدەگى بۇقارالىق اقپارات قۇرالدارى وكىلدەرىنىڭ كاسىبي قىزمەتپەن قاتار سپورتتى سەرىك ەتىپ، سالاۋاتتى ءومىر سالتىن ناسيحاتتاۋعا قوسىپ جۇرگەن ۇلەسىنىڭ جارقىن كورىنىسى بولدى.
