سەمەيدە وقۋشىلار الەم چەمپيوندارىمەن جۇزدەستى

بوكستان حالىقارالىق دارەجەدەگى سپورت شەبەرى، ازيا، الەم چەمپيونى مەرەي اقشالوۆ پەن كيكبوكسينگتان قازاقستان رەسپۋبليكاسىنا ەڭبەك سىڭىرگەن سپورت شەبەرى، الەمنىڭ ەكى دۇركىن چەمپيونى نۇربولات رىسماعامبەتوۆ سەمەي سپورت اكادەمياسىنىڭ وقۋشىلارىمەن جۇزدەستى، دەپ حابارلادى سەمەي سپورت اكادەمياسىنىڭ ءباسپاسوز قىزمەتى.  

وقۋشىلار چەمپيوندارعا ساۋالدارىن قويىپ، كەزدەسۋ ەمەن-جارقىن اڭگىمەمەن ءوربىدى. اسىرەسە، جەرلەسىمىز مەرەيگە قىزىقتى سۇراقتار كوپ قويىلدى. ونىڭ بوكسقا كەلۋى، جەڭىسى پەن جەڭىلىسى قاتار جۇرگەن سپورتتىق مانسابىنان باستاپ بەيجىڭدەگى ساتسىزدىك، الماتى قالاسىنداعى الەم چەمپيوناتىنداعى فينال، «استانا ارلاندارىنداعى» ايىرماشىلىق جايى جان-جاقتى ايتىلدى. اڭگىمە اۋانى قازاق سپورتىنىڭ بۇگىنى، ەرتەڭى، دامۋىنا اۋعاندا مەرەي دە، نۇربولات سپورتشىلارعا بارلىق جاعدايدىڭ جاسالىپ جاتقانىن ايرىقشا اتاپ ءوتتى.

ء–بىزدىڭ سپورتشىلارعا قازىر الەمنىڭ كەز-كەلگەن جەرىندە وتەتىن جارىسقا بارۋعا مۇمكىندىك بار. وعان مەملەكەت جاعداي جاساپ وتىر. جىل سايىن سپورت مەكتەپتەرىنىڭ ماتەريالدىق-بازالارى جاڭارىپ كەلەدى. وعان بۇگىن كەزدەسۋ ءوتىپ وتىرعان سەمەي سپورت اكادەمياسى دالەل ەكەنىن باسا ايتقىم كەلەدى. جەڭىسكە جەتۋدىڭ ءبىر جولى عانا بار. جانىڭدى سالىپ جاتتىعۋ جاساپ، بارىڭدى سالىپ ونەر كورسەتۋ،– دەيدى مەرەي اقشالوۆ.

كەزدەسۋدەن كەيىن سەمەي سپورت اكادەمياسىنىڭ ديرەكتورى مەرەي كوشكىنوۆ سپورت ۇستاحاناسىنىڭ جۇمىسىمەن تانىستىرا ءجۇرىپ، 200 بالاعا ارنالعان جاتاقحانانى، كۇرەس زالدارىن، زاماناۋي مەديتسينالىق قۇرالدار مەن جابدىقتاردى كورسەتتى. باپكەرلەر بىلىكتىلىگى، وقۋشىلاردىڭ جاتتىعۋى جايىندا دا مەرەي قويشىبەك ۇلى تۇشىمدى پىكىر ايتتى.