ۇلتتىق سپورت تۇرلەرىنەن فەستيۆال: توعىزقۇمالاق

اقتوبە قالاسىندا ۇلتتىق سپورت تۇرلەرىنەن باستالعان V فەستيۆال كورىگىن توعىزقۇمالاق شەبەرلەرى قىزدىرۋدا. جارىسقا نۇر-سۇلتان، شىمكەنت قالالارى جانە ەلىمىزدىڭ 12 وبلىسىنان بارلىعى 56 سپورتشى قاتىسۋدا. بۇل تۋرالى ۇلتتىق سپورت قاۋىمداستىعى حابارلادى.

توعىزقۇمالاق باسەكەسى اقتوبە قالاسىنداعى شاحمات كلۋبىندا تۋ كوتەردى.  فەستيۆالعا قاتىسۋشىلار قاتارىندا 2 رەسپۋبليكالىق ەڭبەك سىڭىرگەن سپورت شەبەرى، 15 حالىقارالىق دارەجەدەگى سپورت شەبەرى، 15 سپورت شەبەرى اتاعىن يەلەنگەن تاجىريبەلى ويىنشىلار بار. ويىنشىلار توعىزقۇمالاقتىڭ كلاسسيكالىق تۇرىنەن باق سىنايدى.

جارىستىڭ باس تورەشىسى – حالىقارالىق دارەجەدەگى تورەشى اينۇر جاقاپباەۆا.  جارىستىڭ باس حاتشىسى – جوعارى دارەجەدەگى ۇلتتىق تورەشى قابيدوللا نۇرشين. توعىزقۇمالاق باسەكەسى 25 قىركۇيەك كۇنى اياقتالادى.