Ulttyq sport túrlerinen festıval: toǵyzqumalaq

Aqtóbe qalasynda ulttyq sport túrlerinen bastalǵan V festıval kórigin toǵyzqumalaq sheberleri qyzdyrýda. Jarysqa Nur-Sultan, Shymkent qalalary jáne elimizdiń 12 oblysynan barlyǵy 56 sportshy qatysýda. Bul týraly Ulttyq sport qaýymdastyǵy habarlady.

Toǵyzqumalaq básekesi Aqtóbe qalasyndaǵy shahmat klýbynda tý kóterdi.  Festıvalǵa qatysýshylar qatarynda 2 respýblıkalyq eńbek sińirgen sport sheberi, 15 halyqaralyq dárejedegi sport sheberi, 15 sport sheberi ataǵyn ıelengen tájirıbeli oıynshylar bar. Oıynshylar toǵyzqumalaqtyń klassıkalyq túrinen baq synaıdy.

Jarystyń bas tóreshisi – halyqaralyq dárejedegi tóreshi Aınur Jaqapbaeva.  Jarystyń bas hatshysy – joǵary dárejedegi ulttyq tóreshi Qabıdolla Nurshın. Toǵyzqumalaq básekesi 25 qyrkúıek kúni aıaqtalady.